[ultimate_heading main_heading=”Əhmədli Fatmaxanım Eldar qızı, Laborant” margin_design_tab_text=””][/ultimate_heading]

Əhmədli Fatmaxanım Eldar qızı, 1995-ci ildə Tərtər rayonunun Sarov kəndində anadan olmuşdur. 2001-ci ildə Tərtər rayonunun Şəmil Quliyev adına İsmayılbəyli kənd tam orta məktəbinin I sinfinə daxil olmuşdur.

2010-cu ildə Azərbaycan Respublikası Təhsil Nazirliyi, Azərbaycan Respublikası Rabitə və İnformasiya Texnologiyaları Nazirliyi, Azərbaycan Respublikası Gənclər və İdman Nazirliyi, Ailə, Qadın və Uşaq Problemləri üzrə Dövlət Komitəsi, Minilliyin Layihəsinin Azərbaycan Bölməsi (Azərbaycan Fulturoloqlar Cəmiyyəti), Minilliyin Layihəsinin Meksika Bölməsinin birgə təşkilatçılığı ilə “Qlobal Minillik Prizi” beynəlxalq müsabiqənin  Azərbaycan mərhələsinin qaliblərindən biri olaraq Azərbaycanı “Sağlamlığa təhlükə” çağırışı üzrə Meksikada təmsil etmişdir.

2012-ci ildə Respublikanın istedadlı yeniyetmə və gəncləri haqqında ensiklopedik  şəkildə hazırlanan “Azərbaycan XXI əsrə istedadlarla” adlı kitab-almanaxda (VIII cild) təmsil olunmağa layiq görülmüşdür.

  • 2012-ci ildə orta məktəbi “əla” qiymətlər ilə bitirib.
  • 2012-ci ildə 504 balla (orta attestat balı 5 bal) Bakı Dövlət Universitetinin Coğrafiya fakültəsinin Coğrafiya müəllimliyi ixtisasına qəbul olub.
  • 2015-ci ildə Azərbaycan Milli Elmlər Akademiyasının Coğrafiya İnstitutunda tədqiqat təcrübəsi keçib.
  • 2015-2016-cı tədris ilində Həbib bəy Mahmudbəyov adına 2 saylı Texniki Humanitar Elmlər Liseyində təcrübəçi Coğrafiya müəllimi işləyib.
  • 2016-cı ildə Bakı Dövlət Universitetinin “Fəxri məzun”u olub.
  • 2016-cı il də Azərbaycan Respublikası Prezidenti yanında Dövlət Qulluğu Məsələləri üzrə Komissiyanın keçirdiyi müsabiqədən uğurla keçərək 6 və ya 7-ci təsnifat inzibati vəzifələrin tutulması şərtləri nəzərə alınmaqla müsabiqənin müsahibə mərhələsində iştirak etmək hüququ qazanıb (72 bal).
  • 2016-cı ildə Tərtər rayonu Rafiq Məmmədov adına  Evoğlu kənd tam orta məktəbində bir tədrislik müddətli müqavilə ilə müəllim kimi işə başlayaraq Coğrafiya və İqtisadiyyatın əsasları fənlərini tədris edib.
  • 2017-ci ildə Azərbaycan Respublikasının Təhsil Nazirliyinin keçirdiyi MİQ (Müəllimlərin İşə Qəbulu) imtanının müsabiqə və müsahibə mərhələlərindən uğurla keçib.
  • 2017-ci ildə Respublika Ümumtəhsil məktəbləri üzrə tədrisdə yeni təlim texnologiyalarından düzgün istifadə meyarı əsas götürülməklə ilin ən innovativ gənc müəllimi seçilib.
  • 2017-ci ildə müqavilə müddəti bitdikdən sonra işini tərk edib.
  • 2017-ci ildə Naxçıvan Dövlət Universitetinin Magistratura şöbəsinin Turizm və Sosial-mədəni servis xidməti ixtisasına daxil olub.
  • 2019-cu ildə Naxçıvan Dövlət Universitetinin Turizm və Sosial Mədəni Xidmət ixtisası üzrə magistratura pilləsini fərqlənmə diplomu ilə bitirib.
  • 2019-cu il 23 dekabr tarixdə Azərbaycan Respublikası Mərkəzi Seçki Komissiyasının keçirdiyi Bələdiyyə seçkilərində seçicilərin səs çoxluğu ilə 95 saylı Tərtər seçki dairəsinə bələdiyyə üzvü seçilib. (2019-2021-ci illər)
  • 2021-ci ildə ADA Universitetinin İxtisasartırma Təhsili proqramının Beynəlxalq Kommersiya Müqavilələri ixtisasını bitirib (Executive Education/ International Commercial Contracts).
  • 2021-ci ildə Bakı Dövlət Universitetinin Hüquq fakültəsinə daxil olub. Hal-hazırda Bakı Dövlət Universitetinin Hüquq fakültəsinin qiyabi (əlavə ali təhsil) I kurs tələbəsidir.
  • 2021-ci ildən Naxçıvan Dövlət Universitetinin İqtisadiyyat və İdarəetmə fakültəsinin laborantı, saat hesabı müəllimidir.
  • 29 dekabr 2021-ci il tarixdən Amerikanın Harvard Universiteti Hüquq məktəbinin İxtisasartırma Təhsili proqramının iştirakçısıdır (Harvard University/ Law School/ Executive Education/ Bioethics: The Law Ethics of Reproductive Technologies and Genetics).

Müxtəlif respublika və beynəlxalq forum və konfransların iştirakçısı olub. Azərbaycanda və xaricdə elmi məqalələrin müəllifidir.