Məmmədova Aynur Samiddin qızı

 Müəllim,

1975-ci ildə Naxçıvan şəhərində anadan olmuşdur. 1994-cü ildə Ü.Hacıbəyov adına Naxçıvan Musiqi Texnikumunu fərqlənmə diplomu ilə (fortepiano ixtisası üzrə), 1998-ci ildə Ü. Hacıbəyov adına Bakı Musiqi Akademiyasını musiqişünaslıq ixtisası üzrə, 2005-ci ildə isə Naxçıvan Dövlət Universitetinin Folklorşünaslıq və mifologiya ixtisasının magistr pilləsini fərqlənmə diplomu ilə bitirib. Əmək fəaliyyətinə 1990-cı ildən 1994-cü ilədək Nehrəm kənd uşaq musiqi məktəbində müəllim kimi başlamışdır. 1994 – cü ildən Naxçıvan Musiqi Texnikumunda müəllim-konsertmeyster vəzifəsində çalışmışdır. 2014-cü ildən Naxçıvan Dövlət Universitetinin İncəsənət fakültəsində əvvəl saathesabı, 2015-ci ildən isə ştat üzrə müəllimi kimi fəaliyyət göstərir. Hal -hazırda “Musiqinin tarixi və nəzəriyyəsi” kafedrasının müəllimidir.