Naxçıvan Muxtar Respublikasının Ali Məclisinin Sədri, cənab Vasif Talıbovun Naxçıvan MR-da ali tibb təhsilinin yaradılması haqqındakı təşəbbüsü və Ümummilli Lider, Ulu Öndər Heydər Əliyevin dəstəyi ilə 1999-cu ildə “Təbiətşünaslıq” fakültəsinin nəzdində “Pediatriya” ixtisasına 25 nəfərlik tələbə qəbulunun aparılması ilə Naxçıvan Dövlət Universitetində ali tibb təhsilinin təməli qoyulmuşdur.

Tibbi mütəxəssislərinin hazırlıq səviy­yəsini yüksəltmək məqsədi ilə 2000-ci ildə 4 mər­təbəli, 35 çarpayılıq xəstəxanası olan tədris-kliniki korpusu “Pediatriya” ixtisası üzrə təhsil alan tələbələrin və pedaqoji kollektivin istifadəsinə verilmişdir.

Universitet Elmi Şurasının  ­­­03 iyun 2003-cü il tarixli qərarı ilə Pediatriya ixtisası «Təbiətşünaslıq-tibb» fakültəsinin tərkibindən ayrılaraq müstəqil «Tibb» fakültəsi kimi fəaliyyət göstərməyə başlamışdır.

2007-2008-ci tədris ilindən fakültədə «Tibbi profilaktika» ixtisası üzrə qəbul həyata keçirilməyə başlanmışdır. 2011-2012-ci tədris ilindən səhiyyə sistemində aparılan islahatlarla əlaqədar olaraq respublikamızda “Pediatriya” ixtisası ləğv olunduğundan “Müalicə işi” ixtisası üzrə, 2012-2013-cü tədris ilindən isə “Stomatologiya” və “Əczaçılıq” ixtisasları üzrə kadr hazırlığına başlanılmışdır.

Tibb fakültəsi yarandıqdan sonra elmi potensialının yüksəlməsinə xüsusi diqqət yetirilmiş və ötən dövr ərzində fakültə əməkdaşlarından 2 nəfəri elmlər doktoru, 9 nəfəri isə fəlsəfə doktoru proqramı üzrə elmi iş müdafiə edərək alimlik elmi dərəcə, fakültənin bir sıra əməkdaşı isə professor və dosent elmi adı almışlar. Hal-hazırda fakültədə fəaliyyət göstərən professor-müəllim heyətindən 1 nəfər elmlər doktoru, 15 nəfər isə fəlsəfə doktoru, dosentdir.

Fakültənin maddi-texniki bazasını daha da möhkəmləndirmək və təhsilin keyfiyyətini yüksəltmək məqsədilə 2015-ci ilin may ayında universitetdə üç mərtəbəli kliniki xəstəxana istifadəyə verilmişdir. Universitet xəstəxanası müxtəlif xəstəliklərin müayinə və müalicəsi üçün ixtisaslaşmaqla yanaşı, tələbələrin universitet ərazisində praktiki dərslərinin keçirilməsi üçün əlverişli imkanlar yaratmışdır.

Fakültənin yaradılmasının 20-ci ildönümündə, yəni 14 iyun 2019-cu il tarixdə, müasir standartlara cavab verən və son texnologiyalarla təmin olunan yeni fakültə binası kollektivin istifadəsinə verilmişdir.  Yeni tədris korpusu müasir standartlara cavab verən avadanlıqlarla (müxtəlif simulyatorlar, 3D Vived anatomiya dəsti, sintetik kadavra, diş fantom dəsti və s.), kabinə və laboratoriyalarla təchiz edilmiş, müasir memarlıq üslubunda, geniş foyelər, işıqlı auditoriyalar yaradılmışdır.

Universitetin beynəlxalq əlaqələrinin yüksək səviyyədə qurulmasının nəticəsi olaraq, hazırda fakültədə 900-dən artıq tələbə təhsil alır ki, bunlardan 500-dən çoxu nəfəri xarici ölkə vətəndaşıdır.

Tələbələr ixtisaslarının profillərinə uyğun olaraq Naxçıvan Muxtar Respublikasının müvafiq xəstəxana­larından baza xəstəxanası kimi istifadə edir. Kliniki dərslərinin əksəriyyətinin xəstəxanalarda, bilavasitə xəstələr üzərində keçmələri üçün lazımi şərait yaradılmışdır. Eyni zamanda Respublika Xəstəxanasında əməliyyatları auditoriyalarda canlı izləmək üçün müvafiq qurğular qurulmuşdur.

2012-ci ildən Tibb fakültəsinin nəzdində rezidentura təhsil pilləsi üzrə həkim-rezident hazırlığına başlanmışdır. Bu günədək rezidentura təhsil pilləsi üzrə 50-dək həkim-rezident məzun olmuşdur. Hal-hazırda rezidentura pilləsində 24 ixtisas üzrə təhsil alan 52 həkim-rezident də muxtar respublikanın bir sıra xəstəxanalarından tədris-klinik baza kimi istifadə edirlər.

Naxçıvan Dövlət Universitetin tibb fakültəsindən Azərbaycan və Naxçıvan Muxtar Respublikasının Səhiyyə sisteminə bu günədək 600-dən çox həkim məzun verilmişdir.

Tibb fakültəsinin məzunları istər ölkə daxilində istərsə də xaricdə uğurla fəliyyət göstərməkdədirlər. Məzunlardan bir çoxu hal-hazırda Almaniya, İspaniya, Hollandiya, ABŞ, Nigeriya, Türkiyə, İran, Kipr, Gürcüstan və b. xarici ölkələrdə çalışır və ya təhsillərini davam etdirirlər.

Tibb fakültəsindən bugünədək məzun olan həkimlərin 150-dən çoxu hazırda muxtar respublikanın səhiyyə müəssisələrində çalışmaqdadırlar. Məzunlardan 12 nəfəri müxtəlif xəstəxanalarda baş həkim kimi fəaliyyət göstərir. Eyni zamanda məzunlardan 4 nəfəri tibb üzrə fəlsəfə doktorudur.

Tibb fakültəsinin qonşu Türkiyə Cümhu­riyyətinin bir sıra Universitetləri ilə uzun illərdir sıx əlaqələri mövcuddur. Buna görə də həmin universitetlərlə istər tədris, istər elmi sahələrdə bir sıra əməkdaşlıqlar, müəllim və tələbə mobilliyi həyata keçirilməkdədir. Hər il tibb fakültəsinin yuxarı kurs tələbələri yay istehsalat təcrübələrinin böyük bir hissəsini Türkiyənin Trabzon, Erzincan, Erzurum, Kayseri, Qars və b. şəhərlərində yerləşən universitetlərin klinikalarında keçirlər.

Yüksək səviyyəli tibbi mütəxəssislərinin hazırlanması məqsədi ilə Azərbaycan Tibb Univer­si­tetinin, Rusiyanın və Türkiyə Cümhuriyyətinin inkişaf etmiş universitetlərinin müxtə­if ixtisaslı tibb kadrları il ərzində dəfələrlə fakültəyə dəvət olmuş, tələbələr üçün mühazi­rələr oxumuş və praktik dərslər keçmişlər.

Hazırda Tibb fakültəsində 6 ixtisas (Tibb, İctimai səhiyyə, Müalicə işi, Tibbi profilaktika, Əczaçılıq, Stomatologiya) üzrə kadr hazırlığı aparılır. 2021/22-ci tədris ili üzrə ilk dəfə olaraq Hərbi tibb ixtisası üzrə kadr hazırlığı həyata keçiriləcəkdir.

2020-ci ildə aparılan struktur dəyişikliyindən sonra fakültənin tərkibində struktur bölmə kimi 4 kafedra fəaliyyət göstərir:

1. Təməl tibb fənləri
2. Ümumi təbabət və klinik fənlər
3. Stomatologiya
4. Əczaçılıq və biokimya

Kafedralarda tədris olunan  fənlər yüksək ixtisaslı mütəxəsislər tərəfindən tədris olunur. Fənlərin tədrisinin keyfiyətini artırmaq, tədris prosesinin səmərəliliyini yüksəltmək üçün müasir təlimin müxtəlif texniki vasitələrindən və metodlarından istifadə olunur.

TƏMƏL TİBB FƏNLƏRİ KAFEDRASI

Təməl tibb fənləri kafedrası 03 iyun 2000-ci ildə yaradılmışdır.

Kafedranın əsasını tibbin baza fənləri (“İnsan anatomiyası”, “Norman fiziologiya”, “Sitologiya, embriologiya, histologiya”, “Tibbi biologiya və genetika”, “Mikrobiologiya”, “Patoloji anatomiya”, “Patoloji fiziologiya” və s.) təşkil edir. Kafedra 12 müəllim və 3 tədrisə köməkçi heyətdən təşkil olunmuşdur.

Mütəxəsislərin hazırlığı kafedra 19 müxtəlif fənnin tədrisi üzrə həyata keçirir. Kafedranın nəzdində praktiki dərslərin yüksək səviyyədə təşkili üçün 3 laboratoriya (Mikrobiologiya, Patologiya, Fiziologiya) və 2 kabinə (Anatomiya, Histologiya) mövcuddu.

Kafedranın professor – müəllim və tədrisə köməkçi heyəti aşağıdakı kimidir:

• İlhamə Rafiq qızı Mustafayeva – kafedra müdiri, tibb üzrə fəlsəfə doktoru
• Elsevər Sabir oğlu Əsədov – biologiya üzrə fəlsəfə doktoru, dosent
• Asif Həmzə oğlu Axundov – biologiya üzrə fəlsəfə doktoru, dosent
• Mürsəl Müseyib oğlu Seyidov – biologiya üzrə fəlsəfə doktoru, müəllim.
• Şəfiqə Tahir qızı Süleymanova – baş müəllim
• Malik Məmmədəli oğlu Əliyev – baş müəllim
• Ləman Firdovsi qızı Kərimova – müəllim, həkim-kardioloq
• Ləman Azad qızı Novruzova – müəllim, fizioloq
• Qadir Abuzər oğlu Əliyev – müəllim, həkim-laborant
• Günel Fərahim qızı Abdullayeva – müəllim, həkim-pediatr
• Bəxtiyar Məmmədhüsyen oğlu Hüseynov – baş müəllim
• Orxan Firdovsi oğlu Xudiyev – müəllim
• Quliyeva Şəhla Məhcan qızı –laboratoriya müdiri
• Seyidova Rəna Yülət qızı – laboratoriya müdiri
• Əliyeva Zeynəb İsa qızı – preparator

ÜMUMİ TƏBABƏT VƏ KLİNİK FƏNLƏR KAFEDRASI

Ümumi təbabət və klinik fənlər kafedrası 20 may 2020-ci il tarixdə “Tibbi klinik fənlər” və “Ümumi təbabət və gigiyena” kafedralarının birləşməsi yaradılmışdır. Kafedranın bazasının əsasını kliniki fənlər təşkil edir. Kafedra 16 müəllim və 1 tədrisə köməkçi heyətdən təşkil olunmuşdur.

Mütəxəsislərin hazırlığı kafedra 80 müxtəlif fənnin tədrisi üzrə həyata keçirir. Kafedranın nəzdində praktiki dərslərin yüksək səviyyədə təşkili üçün 1 kabinə (Mulyaj-Simulyasiya kabinəsi) mövcuddu.

Kafedranın professor – müəllim və tədrisə köməkçi heyəti aşağıdakı kimidir:

• Gültəkin Budaq qızı Əliyeva – kafedra müdiri, tibb üzrə fəlsəfə doktoru, dosent
• İsa Əli oğlu Abdullayev – tibb üzrə elmlər doktoru, dosent
• Cəbi Əvəz oğlu İsmayılov – Azərbaycan Respublikasının Əməkdar həkimi, tibb üzrə fəlsəfə doktoru, baş müəllim
• Mətləb Süleyman oğlu İbrahimov – tibb üzrə fəlsəfə doktoru, dosent
• Sabir Abbasqulu oğlu Novruzov – tibb üzrə fəlsəfə doktoru, baş müəllim
• Elmar İlqar oğlu Rzayev – tibb üzrə fəlsəfə doktoru, dosent
• Nüsrət Firudin oğlu Həsənov – tibb üzrə fəlsəfə doktoru, müəllim
• Yaşar Rza oğlu Rzayev – tibb üzrə fəlsəfə doktoru, dosent
• Süleyman Hüseyn oğlu Cəfərov – Azərbaycan Respublikasının Əməkdar həkimi, baş müəllim
• Yazgül Həsənalı qızı Rzayeva – Naxçıvan Muxtar Respublikasının Əməkdar həkimi, baş müəllim
• Güllü Sabir qızı Səfərova – baş müəllim
• Sara Məmməd qızı Rəhimli – müəllim
• Abdulla Məhəmməd oğlu Babayev – müəllim
• İbrahim Bəhram oğlu Ağayev – baş müəllim
• Abbas İbrahim oğlu Əliyev – müəllim
• Bağırov Zəbur David oğlu – müəllim
• Talıbova Nurlana Vəli qızı – preparator

ƏCZAÇILIQ VƏ BİOKİMYA KAFEDRASI

Əczaçılıq və biokimya kafedrası 20 may 2020-ci il tarixdə “Əczaçılıq və stomatologiya” kafedralarının nəzdində yaradılmışdır. Kafedranın bazasının əsasını əczaçılıq və boloji kimya fənləri təşkil edir. Kafedra 6 müəllim və 1 tədrisə köməkçi heyətdən təşkil olunmuşdur.

Mütəxəsislərin hazırlığı kafedra 31 müxtəlif fənnin tədrisi üzrə həyata keçirir. Kafedranın nəzdində praktiki dərslərin yüksək səviyyədə təşkili üçün 2 laboratoriya (Əczaçılıq laboratoriyası, Biokimya laboratoriyası) və 3 kabinə (Fitoterapiya kabinəsi, Əczaçılıq Simulyasiya kabinəsi, Yaşıl Əczaxana) mövcuddu.

Kafedranın professor – müəllim və tədrisə köməkçi heyəti aşağıdakı kimidir:

• Mürsəl Müseyib oğlu Seyidov – biologiya üzrə fəlsəfə doktoru, kafedra müdiri
• Əzizə Elxan qızı Hüseynova –  biologiya üzrə fəlsəfə doktoru, baş müəllim
• Zəminə Cabbar qızı İsmayılova – müəllim
• Çinarə Kamal qızı Məmmədova – baş müəllim
• Elşad Sədayət oğlu İsmayılov -müəllim
• Könül İlyas qızı İsayeva – müəllim
• Novruzova Solmaz Şahin qızı – müəllim

STOMATOLOGİYA KAFEDRASI

Stomatologiya kafedrası 20 may 2020-ci il tarixdə “Əczaçılıq və stomatologiya” kafedralarının bölünməsi ilə yaradılmışdır. Kafedranın bazasının əsasını diş həkimliyinə dair (“Ortopedik stomatologiya”, “Terapevtik stomatologiya”, “Uşaq stomatologiyası”, “Ağız və üz-çənə cərrahiyyəsi” və s.) fənləri təşkil edir. Kafedra 3 müəllim və 1 tədrisə köməkçi heyətdən təşkil olunmuşdur.

Mütəxəsislərin hazırlığı kafedra 14 müxtəlif fənnin tədrisi üzrə həyata keçirir. Kafedranın nəzdində praktiki dərslərin yüksək səviyyədə təşkili üçün 1 laboratoriya (Stomatoloji texniki) və 2 kabinə (Stomatoloji simulyasiya, İmplantologiya) mövcuddu.

Kafedranın professor – müəllim və tədrisə köməkçi heyəti aşağıdakı kimidir:

• Rauf Mehralı oğlu Cəfərov – kafedra müdiri, tibb üzrə fəlsəfə doktoru, baş müəllim
• Zaur Səbuhi oğlu Hüseynov – müəllim
• Abbasəli Qurban oğlu Rəsulov – müəllim
• Mahmudova İzafə Məhəmməd qızı – preparator

Tibb fakültəsinə ümumi rəhbərlik fakültə dekanının başçılıq etdiyi fakültə Elmi Şurası tərəfindən həyata keçirilir.

Fakültə Elmi Şurası:

–   fakültədə mütəxəssis hazırlığına, fakültənin elmi-tədqiqat fəaliyyətinə və kafedraların maddi-texniki təchizatı ilə bağlı məsələlərə baxır;

–     fakültənin dekanını, fakültə tabeliyində olan kafedra müdirlərini seçir və müəyyən olunmuş qaydada professor-müəllim heyətinin vəzifələrini tutmaq üçün müsabiqələr keçirir;

–  tədris planlarının və proqramlarının layihələrinin, kafedraların tədris-metodiki və elmi-tədqiqat işləri haqqında hesabatlarını dinləyib müzakirə edir;

–   elmi-tədqiqat və tərbiyə işlərinin planlarını, fakültənin professor-müəllim heyətinin ixtisaslarının artırılması planlarını müzakirə edir;

–    hər il dekanın hesabatını dinləyir;

–    tədris və istehsalat təcrübələrinin yekunlarını müzakirə edir;

–    fakültə heyətində olan dosent, baş müəllim və assisentlərin, aparıcı və elmi işçilərin seçkilərini aparır, onlara elmi ad verilməsi üçün ali təhsil müəssisəsinin Elmi Şurası qarşısında məsələ qaldırır;

–   aspirantların və magistrlərin fərdi planlarını və namizədlik dissertasiyalarının mövzularını təsdiq edir, hər il onların attestasiyalarının materiallarına baxır;

– tələbələrin elmi-tədqiqat işlərinin vəziyyətini və onun yaxşılaşdırılması tədbirlərini müzakirə edir;

–    fakültənin fəaliyyəti ilə bağlı olan digər məsələlərə baxır.

Tibb fakültəsinin Elmi Şurasının işi hər tədris ili üçün hazırlanan iş planı əsasında həyata keçirilir. Fakültə Elmi Şuranın qərarları fakültənin tədris və elmi işlərinin bütün məsələləri üzrə sadə səs çoxluğu əsasıda açıq səsvermə, professor-müəllim heyətinin və dekanların seçilməsi zamanı isə mövcud qaydada gizli səsvermə yolu ilə qəbul edilir.

Fakültə Elmi Şuranda hər hansı bir məsələyə baxılması üçün Şura üzvlərinin ümumi sayının 2/3-dən az olmayaraq iştirakı vacibdir. Fakültə Elmi Şurasının açıq səsvermə yolu ilə qəbul olunmuş qərarları fakültənin dekanı tərəfindən təsdiq edildikdən sonra qüvvəyə minir.

Elmi Şuranın qərarlarını və öz vəzifə borcunu sistematik olaraq yerinə yetirmədikdə, onun üzvlərinin ən azı 2/3 hissəsinin tələbi ilə dekana etimadsızlıq məsələsi fakültə Elmi Şurasının müzakirəsinə verilə bilər.

Elmi Şuranın iclasları protokollaşdırılır. Protokollar sədr və elmi katib tərəfindən imzalanılar.

Elmi Şuranın sədri Şuranın qərarlarının icrasının müntəzəm yoxlanılmasını təşkil edir və Şuranın üzvlərinə qəbul olunmuş qərarların yerinə yetirilməsi barəsində məlumat verir.

Fakültə Elmi Şuranın qərarı düzgün olmadıqda ali təhsil müəssisəsinin başçısı (rektoru) və ya təhsil müəssisəsinin tabe olduğu mərkəzi orqanın rəhbəri tərəfindən ləğv oluna bilər.

Tibb fakültəsinin Elmi şurası 01.04.2021-ci il tarixdən etibarən fakültə Elmi Şurası aşağıdakı tərkibdə təsdiq olunmuşdur:

SƏDR: Elsevər Sabir oğlu Əsədov – Fakültə dekanı, biologiya üzrə fəlsəfə  doktoru, dosent

MÜAVİN: Abdullayev İsa Əli oğlu – Tibbi klinik fənlər kafedrasının dosenti, tibb elmləri doktoru, dosent

ELMİ KATİB: İsmayılova Zəminə Cabbar qızı – Əczaçılıq və biokimya kafedrasının müəllimi

ÜZVLƏR:

Əliyeva Gültəkin Budaq qızı – Ümumi təbabət və kliniki fənlər kafedrasının müdiri,  tibb üzrə fəlsəfə doktoru, dosent

Cəfərov Rauf Mehralı oğlu – Stomatologiya kafedrasının müdiri, tibb üzrə fəlsəfə doktoru, baş müəllim

Mustafayeva İlhamə Rafiq qızı – Təməl tibb fənləri kafedrasının müəllimi, tibb üzrə fəlsəfə doktoru

Məmmədov Bəhruz Qibləli oğlu – Əczaçılıq və biokimya kafedrasının müdiri, pedaqogika üzrə fəlsəfə doktoru, dosent

Rzayev Elmar İlqar oğlu – Ümumi təbabət və kliniki fənlər kafedrasının dosenti, tibb üzrə fəlsəfə doktoru, dosent. Universitet Xəstəxanasının baş həkimi

Xudiyev Orxan Firdovsi oğlu – Dekan müavini, Təməl tibb fənləri kafedrasının müəllimi

İbrahimov Mətləb Süleyman oğlu – Ümumi təbabət və kliniki fənlər kafedrasının dosenti, tibb üzrə fəlsəfə doktoru

İsmayılov Cəbi Əvəz oğlu – Ümumi təbabət və kliniki fənlər kafedrasının baş müəllimi, tibb üzrə fəlsəfə doktoru

Seyidov Mürsəl Müseyib oğlu – Təməl tibb fənləri kafedrasının müəllimi, biologiya üzrə fəlsəfə doktoru

Süleymanova Şəfiqə Tahir qızı – Təməl tibb fənləri kafedrasının baş müəllimi, Fakültə Həmkarlar Təşkilatının sədri

Yusifova Aygün Əli qızı – Fakültə Tələbə Gənclər Təşkilatının sədri

Şəfiyeva Ləman Natiq qızı – Fakültə Tələbə Elmi Cəmiyyətinin sədri