Bakalavriat

1. 2017-2018-ci tədris ili üçün Naxçıvan Dövlət Universitetinin qəbul planı 1165 tələbə olaraq təsdiqlənmişdir. Qəbul imtahanlarının nəticəsində isə universitetə 1073 tələbə (əyani şöbəyə 990, qiyabi şöbəyə isə 83) qəbul olunmuşdur. Bununla da qəbul planı 92,1% yerinə yetirilmişdir.

2. Naxçıvan Dövlət Universitetinin xüsusi qabiliyyət tələb etməyən ixtisasları üzrə qəbul planı 94,1 % yerinə yetirilmişdir.

3. Universitetin xüsusi qabiliyyət tələb edən ixtisaslarında isə bu rəqəm 84,5 % olmuşdur.

4. Cari ildə Naxçıvan Dövlət Universitetinə 338 tələbə dövlət sifarişi əsasında qəbul olunmuşdur. Bu, universitetdə ümumi tələbə qəbulunun 31,5 %-ni təşkil edir. Bu il Naxçıvan Dövlət Universitetinə qəbul olunan tələbələrdən 735 nəfəri (68,5 faizi) ödənişli əsaslarla təhsil alacaqdır.

5. Tələbələrdən 204  nəfəri 500-dən yuxarı balla universitetə qəbul olunmuşdur ki, onlardan da 36 nəfəri 600-dən çox bal toplamışdır. Müqayisə üçün qeyd edək ki, 2016-ci ildə 190 abituriyent 500-dən yuxarı balla universitetə qəbul olunmuşdur ki, onlardan da 48-si 600-dən çox bal toplamışdır. 2015-ci ildə 156 abituriyent 500-dən yuxarı balla universitetə qəbul olunmuşdur ki, onlardan da 31-i 600-dən çox bal toplamışdır. 2014-cü ildə 500-dən çox bal toplayanlar 153 nəfər olmuşdur. Onlardan 35-i 600-dən yuxarı bal toplamışdır. 2013-cü ildə isə 500-dən çox bal toplayanlar 150 nəfər olmuşdur ki, onlardan da 23 tələbə 600-dən yuxarı balla Naxçıvan Dövlət Universitetinə qəbul olunmuşdur.

6. Əyani və qiyabi şöbələr üzrə qəbul aparılmış 61 ixtisasın üçünə, o cümlədən fortepiano, simli alətlər, bəstəkarlıq yalnız qızlar, beşinə isə yerüstü nəqliyyat vasitələrinin mühəndisliyi, geodeziya və xəritəçilik mühəndisliyi, fiziki tərbiyə və çağırışaqədərki hazırlıq müəllimliyi, nəfəs alətləri, həmçinin aktyor sənəti ixtisasına isə yalnız oğlanlar qəbul olunmuşdur.

7. Bu il 600-dən çox bal toplamış tələbələrin 31 nəfərini qızlar, 5 nəfərini isə oğlanlar təşkil edir.

8. Cari ildə 600 ballı tələbələrin 14 nəfərini Naxçıvan şəhərinin, 6 nəfərini Şərur rayonunun, 5 nəfərini Babək rayonunun, 3 nəfərini Kəngərli, 2 nəfərini Şahbuz, 2 nəfərini Ordubad, 1 nəfərini Culfa, 1 nəfərini Bakı, 1 nəfərini Şəki, 1 nəfərini Qax rayonunun məktəblərinin məzunları təşkil edir.

9. 600-dən yuxarı bal toplamış tələbələr universitetin əyani şöbəsinin 12 ixtisasına – riyaziyyat və informatika müəllimliyi (2 tələbə), kimya müəllimliyi (1 tələbə), tarix müəllimliyi (3 tələbə), informasiya texnologiyaları (1 tələbə), hüquqşünaslıq (9 tələbə), tərcümə (ingilis-Azərbaycan dilləri) (1 tələbə), mühasibat uçotu və audit (2 tələbə), iqtisadiyyat (1 tələbə), xarici dil müəllimliyi (ingilis dili üzrə) (8 tələbə), müalicə işi (4 tələbə), tibbi profilaktika (1 tələbə), stomatologiya (2 tələbə)  ixtisaslarına qəbul olunmuşlar.

10. Hazırda Naxçıvan Dövlət Universitetinin I və II kurslarında 83 tələbə 600-dən yuxarı balla universitetə qəbul olmuş və təhsil alır.

11. Bu il Naxçıvan Dövlət Universitetinə qəbul olunanlardan 36 abituriyent 600-dən yuxarı bal toplamışdır. 500 ballı tələbələr universitetin I kurs üzrə 61 qrupundan 23-nü əhatə edir.

12. Cari ildə əyani və qiyabi şöbələr üzrə 58 ixtisasdan 23-də keçid balı 500 baldan, 28 qrupda isə 198 tələbənin  400-dən  yuxarı balı olmuşdur.

13. Naxçıvan Dövlət Universitetinə 2017-ci ildə ən çox 2000-ci il (630 nəfər) və 1999-cu il təvəllüdlü (266 nəfər) abituriyentlər qəbul olunmuşdur.

14. Universitetə 2017-ci ildə qəbul olunmuş tələbələrin 85,8 %-i orta məktəblərin bu ilki məzunlarıdır.

15. 2017-ci ildə universitetə qəbul olunmuş tələbələrdən ən yaşlısının 42 (1 tələbə), ən gəncinin isə 16 yaşı (25 tələbə) vardır.

16. Bu il Naxçıvan Dövlət Universitetinə muxtar respublikanın bütün şəhər və rayonlarında yerləşən əksər orta məktəblərin məzunları daxil olmuşlar. Bununla belə, həmin sahədə üstünlük Naxçıvan şəhər məktəblərinin (371 tələbə), Şərur (163 tələbə) və Babək (146 tələbə) rayonlarının məzunlarına məxsusdur.

17. Naxçıvan Dövlət Universitetinin I kurs tələbələrinin 927 nəfərini (86,4 %) muxtar respublika üzrə orta məktəblərin məzunları təşkil edirlər. Qalan 146 nəfər (13,6 %) Azərbaycan Respublikasının digər 47 şəhər və rayonundan olan tələbələrdir.

18. 2017-ci ildə magistratura təhsil səviyyəsi üzrə keçirilən qəbul imtahanlarında Naxçıvan Dövlət Universitetinə 56 ixtisaslaşma üzrə 166 nəfər magistr qəbul olunmuşdur.

19. Naxçıvan Dövlət Universitetində hazırda 215 nəfər xarici tələbə təhsil alır. Bu tələbələrdən 210 nəfəri universitetin bakalavr, 5 nəfəri magistr, 52 nəfəri isə dissertant səviyyəsinə aiddir. Əcnəbi tələbələr Türkiyə, İran, İraq, Nigeriya, Cənubi Koreya, Qazağıstan və Gürcüstan ölkələrindəndir.

20. 2017-ci ildə Naxçıvan Dövlət Universitetində müxtəlif xarici ölkələrin vətəndaşı olan 52 nəfər doktorant öz elmi tədqiqat işini davam etdirir.

1. Tam orta (ixtisas) təhsili haqqında sənədin əsli (attestat və ya diplom)

2. Şəxsiyyət vəsiqəsinin əsli (surəti ilə birlikdə)

3. 3×4 sm ölçüdə 4 ədəd fotoşəkil ( yeni çəkilmiş)

4. Tibbi arayış 086U (şəkilli)

5. Ödənişli əsaslarla qəbul olanlar üçün – təhsil haqqının qəbzi (Naxçıvan ş. Mərkəzi bank)

Hansı şəxslərin təhsil haqqından azad olunduğu və təhsil haqqından azad olunan şəxslərin hansı sənədləri təqdim etməli olduğu siyahıya buradan baxa bilərsiniz.

6. Universitet formasının alınması haqqında qəbz (Naxçıvan tikiş fabriki)

7. Hərbi bilet və ya çağırışçı şəhadətnaməsi (oğlanlar üçün)

8. İstifadəçi adı və parol

9. Kağız qovluq (Kağıztikən)