Naxçıvan Dövlət Universitetinin “Kariyera, təcrübə və Məzunlarla İş Bölməsi” universitetin struktur bölməsidir. “Kariyera, təcrübə və Məzunlarla İş Bölməsi” NDU rektorunun 3 aprel 2023-cü il tarixli, 1584 saylı əmri ilə tələbələrin müvafiq təhsil proqramının tərkib hissəsi olan ixtisas təcrübələrinin təşkilinin, keçirilməsinin, yekunlaşdırılmasının təşkili, bundan əlavə təhsil alanların bilik, bacarıq və vərdişlərinin artırılması, təkmilləşdirilməsi, peşə hazırlıqlarının yüksəldilməsi istiqamətində, onları peşəkar fəaliyyətə hazırlamağa, gələcək iş fəaliyyətlərində onlar üçün zəruri olan işlərin həllinə, onların gələcəkdə uğurlu karyera qurmalarına, karyera planlaşdırılmasına dəstək olmaq üçün, həmçinin universitetin öz məzunları ilə daim əlaqədə olması və əlaqələrin inkişaf etdirilməsi məqsədilə yaradılmışdır.
Kariyera, təcrübə və məzunlara iş bölməsi öz vəzifələrini həyata keçirərkən NDU-nun strukturuna daxil olan dekanlıqlar, kafedralar, şöbələr və bölmələrlə, həmçinin universitet adından dövlət müəssiələri, özəl müəssisələr, digər nüfuzlu yerli və beynəlxalq təşkilatlar və şirkətlərlə, fiziki və hüquqi şəxslərlə əməkdaşlıq etməyi nəzərdə tutur.
BÖLMƏNİN ƏSAS FƏALİYYƏT İSTİQAMƏTLƏRİ
Tələbələrin ixtisas təcrübələrinin təşkili, keçirilməsi və yekunlaşdırılması;
Tələbələrin praktiki təcrübələrini artırmaq, ixtisasları ilə bağlı məlumatlandırılması istiqamətində işlərin görülməsi;
Universitetlərin reytinqinin müəyyən edilməsində məzunların işə qəbul olunması əsas göstəricilərdən biri hesab olunduğundan bu istiqamətdə zəruri vəzifələrin həyata keçirilməsinin təmin edilməsi;
NDU-nun respublikamızın bölgələrində tanınması istiqamətində təbliğatların aparılması;
Tələbələrin, məzunların və əməkdaşların peşəkarlıqlarının artırılması məqsədilə onlara bilik, bacarıq və vərdişlərin artırılması və özünüinkişaf etdirlməsi yönündə dəstək göstərilməsi;
Tələbələrin əmək bazarında uğurlu və layiqli çıxış etmələrinə dəstək göstərilməsi;
Universitetin məzunları ilə daim əlaqədə olmaq və əlaqələrin inkişaf etdirilməsi;
Tələbələrin xarici ölkələrin universitetlərində təcrübələrinin təşkili;
Məzun bazasının yaradılması:
NDU-nu bitirən və uğurlu karyera quran, tanınmış, mütəxəssis kimi formalaşan məzunlarla tələbələrin görüşünü təşkil etmək:
Məzunların işlə təmin edilməsi məqsədilə özəl və dövlət qurumları ilə əməkdaşlığın qurulmasının həyata keçirilməsi;
Tələbələrin tədqiqat işlərinin araşdırılması üçün müvafiq müəssisələrlə əlaqələrinin təmin edilməsi;
Tələbə təşkilatları ilə əməkdaşlıq edilməsi;
Tələbələrə karyera planlaması ilə bağlı məsləhətlərin verilməsinin təşkil edilməsi;
Əmək sərgiləri təşkil etmək, müəssisələrin vakansiya yerlərinin təqdimatının təşkil edilməsi;
Xarici universitetlərin və şirkətlərin bu sahədəki təcrübəsinin öyrənilməsi və tətbiq edilməsi;
Dövlət Məşğulluq Agentliyinin Mərkəzi Karyera filialı ilə və ali təhsil müəssisələrinin karyera mərkəzləri ilə əməkdaşlıq;
KARİYERA, TƏCRÜBƏ VƏ MƏZUNLARLA İŞ BÖLMƏSİNİN ƏMƏKDAŞLARI
HAQQINDA MƏLUMAT
Müdir: Seyidova Aynurə Mirmahmud qızı – Pedaqogika üzrə fəlsəfə doktoru, baş müəllim
İnspektor: Orucov Çingiz Aydın oğlu
Təcrübə rəhbəri: İsmayılov Asiman Rizvan oğlu
Telefon: (+99436) 544-08-61 (10-17)
E-mail: tecrübe_mezun@ndu.edu.az
NDU-da 50 il bundan öncə Coğrafiya ixtisasını bitirən məzunlarla görüş keçirilib – https://youtu.be/NAfPQltiQwI
NDU-da Məzun günü keçirilib – https://youtu.be/SDvB8zMw9JQ
NDU-nun 18 məzunu xarici ölkə universitetlərinin magistri adını qazanıb – https://youtu.be/pTpcRmtY90M
50 il sonra NDU məzunları yenidən doğma təhsil ocağında bir araya gəlib – https://m.facebook.com/story.php?story_fbid=pfbid02NUjFrRpN5ktLTWdvYMb3kXSg3vgXVzKfWZWjVXmke2FMUMutWrAMGuhh4ZwPJXpol&id=100064446229450&sfnsn=wa&mibextid=RUbZ1f
NDU-nun tibb fakültəsinin tələbələri Türkiyənin nüfuzlu universitetlərində təcrübədə olublar –
Tibb fakültəsinin tələbələri məhşur universitetlərdə təcrübədə olublar –https://m.facebook.com/story.php?story_fbid=pfbid0fSVfdHNNGWwMSrt83XEoUnCftj3jEQAztoYTJZLY2k6oQBrEUND4grXLqH9vGKK8l&id=100064446229450&sfnsn=wa&mibextid=RUbZ1f
NDU-da pedaqoji və istehsalat təcrübələrinin yekun konfransı keçirilib – https://m.facebook.com/story.php?story_fbid=pfbid0p3FttsF68eL7c8p1W27YmsRixfPnu2RAcXHGvXmrcj4H3mXBViyF7mfWDYUvEaw8l&id=100064446229450&sfnsn=wa&mibextid=RUbZ1f
Məzunlar
Naxçıvan Dövlət Universitetində yeni dövrün bacarıqlarına dair seminar keçirilib
Naxçıvan Dövlət Universitetinin gənc müəllimləri Naxçıvanda ilk dəfə təşkil edilən Karyera Formunda.
Azərbaycan Respublikası Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin Mərkəzi Karyera Filialının Karyera planlaması şöbəsinin aparıcı mütəxəssisi Nərgiz Bayramova tərəfindən Naxçıvan Dövlət Universitetində təhsil alan tələbələr üçün qrup konsultasiyası keçirilib
50 il bundan öncə Fizika ixtisasını bitirən məzunlar Naxçıvan Dövlət Universitetində görüşüblər
Azərbaycan Respublikası Naxçıvan Muxtar Respublikasının İqtisadiyyat Nazirliyində istehsalat təcrübəsinə başlayan Naxçıvan Dövlət Universitetinin “İqtisadiyyat” ixtisası üzrə qiyabi şöbəsinin V kurs tələbələri Naxçıvan Biznes Mərkəzində olublar.
NDU-da qiyabi şöbədə təhsil alan tələbələrin ixtisas təcrübələrinin başlanması ilə əlaqədar olaraq başlanğıc konfrans keçirilib.
Naxçıvan Muxtar Respublikası İqtisadiyyat Nazirliyində istehsalat təcrübəsi keçən Naxçıvan Dövlət Universitetinin tələbələri “Cahan Holding”ə məxsus ENNA şirkətinin Naxçıvanda yerləşən enerji və sərinləşdirici içkilər zavodunun istehsal prosesi ilə tanış olublar.
Tanışlıq zamanı mütəxəsislər tərəfindən zavodun fəaliyyət istiqamətləri və istehsal prosesi barədə məlumat verilib. İstehsal müəssisəsinin Keyfiyyət və Prosesə Nəzarət şöbəsinin sınaq laboratoriyasında olan tələbələr istehsalın gigiyenik qaydalara əməl olunmaqla aparılmasına şahidlik ediblər.
https://www.facebook.com/share/p/Q3f1f7mfhRKoPSsD/?mibextid=oFDknk
Naxçıvan Dövlət Universitetinin Fizika ixtisasının məzunu, şair Əvəz Sevindikoğlunun “Söz sevgimdir” kitabının təqdimatı keçirilib.
https://www.facebook.com/share/p/xSCVk4xnD3ELGzuu/?mibextid=oFDknk
Naxçıvan Dövlət Universitetinin Tibb fakültəsindən məzun olmuş Elvin Əliyev doğma universitetini salamladı.
https://www.facebook.com/share/v/sheYMdw4rDxLKLh3/?mibextid=oFDknk
Ulu Öndər Heydər Əliyevin anadan olmasının 100 illiyi münasibətilə Naxçıvan Muxtar Respublikasının Maliyyə Nazirliyində istehsalat təcrübəsində olan Naxçıvan Dövlət Universitetinin V kurs “Mühasibat uçotu və audit” ixtisası üzrə qiyabi təhsil alan tələbələri arasında intellektual bilik yarışı keçirilib.
https://www.facebook.com/share/p/pRxgcazDnMQwjg7j/?mibextid=oFDknk
04 oktyabr 2023-cü il tarixdə Naxçıvan Dövlət Universitetində istehsalat təcrübələrinin yekun konfransı keçirilmişdir. Qeyd edək ki, qiyabi şöbədə 02 oktyabr 2023-cü ildə başlanan istehsalat təcrübələri 03 oktyabr 2023-cü ildə yekunlaşmışdır.
https://www.facebook.com/share/p/ydGoeAc6fT6zkKtz/?mibextid=oFDknk
Naxçıvan Dövlət Universitetinin məzunu Natiq Əliyev yüksək vəzifəyə təyin olunub.
https://www.facebook.com/share/p/55GUWMD5nyJJbizo/?mibextid=oFDknk
Azərbaycan Respublikasının Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyinin təşkilatçıllğı ilə "Peşələr Festivalı" lahiyəsi bu dəfə 9 noyabr 2023-cü il tarixində Naxçıvan MR Ordubad rayonunda keçirilmişdir. Naxçıvan Dövlət Universitetinin "Kariyera, təcrübə və məzunlarla iş bölməsi" ilə Dövlət Məşğulluq Agentliyinin birgə əməkdaşlığına əsasən Naxçıvan Dövlət Universitetinin Tələbə Həmkarlar İttifaqı Komitəsi könüllülərindən ibarət bir qrup tələbə Ordubad rayonunda keçirilən "Peşələr Festivalı"nda iştirak etmiş və layihənin icrasına dəstək göstərmişdir
https://www.facebook.com/share/p/bezXeXrSxdfVLSPM/?mibextid=oFDknk
Məşhur məzunlarımızdan
NDU-nun məzunu olmuş məşhur xalq artisti doğma universitetini salamladı!
Naxçıvan Dövlət Univetsitetində Azərbaycanımız üçün canla-başla çalışan, xalqımızın fəxr etdiyi yüzlərlə alim, ziyalı, mədəniyyət xadimi, dövlət xadimi və s. təhsil almışdır. Onların içərisində Azərbaycan mədəniyyətinin inkişafında xüsusi rolu olan, özünəməxsus tərzi ilə seçilən, muğamın, el mahnılarının, dünya xalqlarının və müasir bəstəkarların mahnılarının gözəl ifaçısı, həzin və xüsusi, təkrarsız səs tonu ilə fərqlənən, səmimi və alicənab insan, Azərbaycanın xalq artisti İlqar Muradov da var. Xalq artisti təhsil aldığı univetsitetlə daim fəxr etdiyini bildirib.
Biz də NDU kollektivi adından İlqar müəllimi salamlayırıq. Ona can sağlığı və fəaliyyətində uğurlar arzulayırıq. NDU sizinlə fəxr edir!
https://www.facebook.com/share/v/i478E7gZ1jtB7ydR/?mibextid=oFDknk
24.11.2023-cü ildə 2005-ci ildə NDU-nun Tibb fakültəsindən məzun olmuş, hazırda İstanbul Maltepe Medikal Park xəstəxanasında uzman cərrah mama-ginekoloq kimi fəaliyyət göstərən Sevda Zamanovanın Tibb fakültəsinin tələbələri ilə "Uğurlu karyeraya gedən yol" mövzusunda görüşü keçirilib. Görüşdə dr. Sevda Zamanova tələbəlik illərindən bu günədək qazandığı uğurlardan, bu yolda ona dəstək olan müəllimlərindən, uğurlu karyerasının sirlərindən danışdıqdan sonra tələbələri maraqlandıran sualları da cavablandırıb. Görüş "Kariyera, təcrübə və məzunlarla iş bölməsi"nin təşkilatçılığı ilə keçirilib.
https://www.facebook.com/share/p/3QPmyt21ERrLXzoh/?mibextid=oFDknk
Məzunu olduğu universitetdə illər sonra ustad dərsi keçib. 2005-ci ildə NDU Tibb fakültəsinin məzunu olmuş, hazırda isə İstanbul Medikal Park xəstəxanasının Uzman həkimi olan Sevda Zamanova bir vaxtlar təhsil aldığı fakültənin tələbələrinə ustad dərsi keçib.
https://www.facebook.com/share/p/wPrZCGvfnCvZkShb/?mibextid=oFDknk
Naxçıvan Dövlət Universitetindən Berlin Texnik Universitetinə uzanan yol
Şəhanə Hüseynova Naxçıvan Muxtar Respublikası Babək rayonunun Kültəpə kəndində doğulub. Naxçıvan Dövlət Universitetinin Kimya ixtisasının bakalavr və magistr səviyyələrini bitirib. Hazırda Almaniyanın Berlin şəhərində yaşayır və Berlin Texnik Universitetində tədqiqatçı alim olaraq çalışır. Ailəlidir və bir övladı var.
https://www.facebook.com/share/p/GD3ZDUZzq4ezVHSK/?mibextid=oFDknk
Naxçıvan Dövlət Universitetinin "Kariyera, təcrübə və məzunlarla iş bölməsi"nin təşkilatçılığı ilə universitetin bir qrup müəllim və tələbə heyəti 02 dekabr 2023-cü ildə NanoSTEAM real-virtual laboratoriyası qrant layihəsi çərçivəsində "Tədris prosesində NanoSTEAM imkanları" adlı vebinara qoşulmuşdur.
https://www.facebook.com/share/p/gWrhyvJqumSNzMf5/?mibextid=oFDknk
Məzunlarımızla qürur duyuruq!
Naxçıvan Dövlət Universitetinin məzunu - Əməkdar müəllim, Tarix üzrə fəlsəfə doktoru, IV, V, VI çağırış Naxçıvan MR Ali Məclisinin Deputatı, Ali Məclisdə Sosial Siyasət Komitəsinin sədri, Yeni Azərbaycan Partiyası Şərur rayon Qadınlar Şurasının sədri - Məmmədova Yeganə Qurban qızı.
https://www.facebook.com/share/v/Fa3hTX4EyUKQ5ky8/?mibextid=oFDknk
Naxçıvan Dövlət Universitetində 2023-2024-cü tədris ilinin ikinci yarısında keçiriləcək pedaqoji internaturaların başlanğıc konfransı baş tutub. Konfransda ali təhsil ocağının professor-müəllim heyəti, Naxçıvan Muxtar Respublikası Təhsil Nazirliyinin əməkdaşları, pedaqoji təcrübənin keçiriləcəyi ümumtəhsil məktəbləri və məktəbəqədər təhsil müəssisələrinin direktorları, pedaqoji təcrübəyə gedəcək tələbələr iştirak ediblər.
https://www.facebook.com/share/p/2kfBRUuZGrDPstUn/?mibextid=oFDknk
Naxçıvan Dövlət Universitetində 2023-2024-cü tədris ilinin ikinci yarısında keçiriləcək istehsalat təcrübələrinin başlanğıc konfransı keçirilib
Konfransda Kariyera, təcrübə və məzunlarla iş bölməsinin müdiri Aynurə Seyidovanın “İstehsalat təcrübəsinin təşkili və keçirilməsi”, Coğrafiya kafedrasının baş müəllimi Əli Qurbanovun “Təcrübə rəhbərlərinin görəcəyi işlər” mövzularında çıxışları dinlənilib.
https://www.facebook.com/share/p/kFQQ15aMoGQpNBcN/?mibextid=oFDknk
Naxçıvan Dövlət Universitetinin 64 ixtisas üzrə təhsil alan 153 magistrantı elmi-tədqiqat və elmi-pedaqoji təcrübələrdə iştirak edəcək. NDU-da magistrantların elmi-tədqiqat və elmi-pedaqoji təcrübələrinə həsr edilən konfrans keçirilib.
Konfransda Pedaqoji fakültənin məsləhətçi professoru, pedaqogika elmləri doktoru İsmayıl Əliyev “Magistr dissertasiyalarının hazırlanmasına verilən tələblər”;
Magistratura və doktorantura mərkəzinin direktoru, psixologiya üzrə fəlsəfə doktoru Çapay Quliyev “Elmi-tədqiqat və elmi-pedaqoji təcrübə zamanı magistrantların qarşısında duran vəzifələr”;
Kariyera, təcrübə və məzunlarla iş bölməsinin müdiri, pedaqogika üzrə fəlsəfə doktoru Aynurə Seyidova “Elmi-tədqiqat və elmi-pedaqoji təcrübə zamanı təcrübə rəhbərlərinin vəzifələri” mövzularında çıxış ediblər.
https://www.facebook.com/share/p/kmrLWzhqHMANFGsh/?mibextid=oFDknk
Pedaqoji internaturada olan Naxçıvan Dövlət Universitetinin tələbələri ümumtəhsil məktəblərində keçirilən Xocalı soyqırımına həsr edilən tədbirlərdə fəal iştirak ediblər.
https://www.facebook.com/share/p/QQJvUfTh53mtYJyE/?mibextid=oFDknk
Məzunlarımızla fəxr edirik!
2005-ci ildə Naxçıvan Dövlət Universitetinin Tibb fakültəsindən məzun olmuş Sevda Zamanova, uzman cərrah mama-ginekoloq kimi çalışdığı İstanbul Maltepe Medikal Park Xəstəxanasından doğma universitetini salamladı.
https://www.facebook.com/share/v/CG4oczRAUUTZqBsC/?mibextid=oFDknk
Naxçıvan Dövlət Universitetinin Pedaqoji fakültəsinin "Məşqçilik" ixtisası üzrə IV kurs təcrübəçi tələbələri pedaqoji internaturada olduqları Naxçıvan şəhər A.Nəzəliyev adına 16 N-li tam orta məktəbdə "5 Mart Bədən tərbiyəsi və idman günü"nə həsr edilmiş voleybol üzrə siniflər arası yoldaşlıq görüşü təşkil ediblər. Görüş məktəb şagirdləri tərəfindən maraqla qarşılanıb və onlar bu yarışda böyük həvəslə iştirak ediblər. Bədən tərbiyə və idman kafedrasının müdiri Əvəz Tağıyev və təcrübə rəhbəri Nazim Əliyev təcrübəçi tələbələri görüş boyu izləyib və lazımi tövsiyyələrini verib.
Magistratura səviyyəsi üzrə elmi tədqiqat təcrübəsinin yekun hesabatı keçirilib
Magistratura və doktorantura mərkəzində 9 kommissiya üzrə təşkil olunan hesabatda 150 dən çox magistrant iştirak edib.
Komissiyalar tərəfindən magistrantların hesabatları dinlənilib və təcrübənin yekun qiymətləndirilməsi aparılıb.
https://www.facebook.com/share/p/e4K4CGu4zJ8QzJ6p/?mibextid=oFDknk
Naxçıvan Dövlət Üniversitetinin Təbiətşünaslıq və kənd təsərrüfatı fakültəsinin Biologiya ixtisası, Biologiya müəllimliyi, həmçinin Torpaqşünaslıq və Aqrokimya ixtisası üzrə təcrübəçi tələbələrinin “Naxçıvan Taxıl Məhsulları” Məhdud Məsuliyyətli Cəmiyyətinə gəzintisi təşkil olunub. Müəssisənin icraçı direktoru Canməmməd Canməmmədov tələbələrə müəssisə haqqında ətraflı məlumat vermişdir. Ətraflı məlumatdan sonra tələbələr müəssisədə istehsal olunan məhsullar və istehsalat prosesi ilə yaxından tanış olublar. Sonda çay süfərisi ətrafında keçirilən səmimi görüşdə fakultənin dekanı Bəhruz Məmmədov, dekan müavini Hilal Qasımov müəllim Raifə Salmanova və Müəssisənin rəhbəri Şakir Tarverdiyev tələbələrlə səmimi söhbət aparmış və onları maraqlandıran sullar cavablandırlmışdır.
https://www.facebook.com/share/p/osvCUFBQPi5V5Nvg/?mibextid=oFDknk
18 mart 2024-cü il tarixdə Heydər Əliyev adına tam orta məktəbdə pedaqoji intetnaturada olan Naxçıvan Dövlət Universitetinin təcrübəçi tələbələri "Elimizə Novruz gəlir" adlı tədbir keçiriblər. Tədbirdə ilk olaraq Dövlət himni səslənmiş, daha sonra torpaqlarımızın azadlığı uğrunda canından keçən şəhidlərimiz yad edilmişdir.Tədbiri giriş sözü ilə açan məktəbin direktoru Məlahət Rüstəmova hər kəsin Novruz bayramını təbrik etmişdir. Daha sonra məktəbin şagirdləri şeirlər, musiqi nömrələri, milli adət-ənənələrimizin əks olunduğu səhnəciklərlə çıxış etmiş, izləyiciləri Novruz bayramının qeyd olunduğu türk dövlətlərinin dilində təbrik etmişlər. Sonda NDU-nun Kariyera, təcrübə və məzunlarla iş bölməsinin müdiri Aynurə Seyidova, məktəb kollektivinə tələbələrə yaratdığı şəraitə görə təşəkkür etmiş, NDU kollektivi adından müəllim və tələbələrin Novruz bayramını təbrik edərək, tədbirdə əməyi keçən hər kəsə - şagirdlərə, tələbələrə, pedaqogika üzrə təcrübə rəhbərlərinə və xüsusilə təcrübəçi tələbələrə yaxından dəstək olan Heydər Əliyev adına orta məktəbin musiqi müəllimi Könül Mirzəyevaya təşəkkür etmişdir. Tədbirin bədii hissəsi bitdikdən sonra hər kəs "Novruz süfrəsi"ndə toplaşmışdır.
https://www.facebook.com/share/p/osvCUFBQPi5V5Nvg/?mibextid=oFDknk
18 mart 2024 -cü il tarixində Naxçıvan şəhər M.Seyidov adına 15 nömrəli tam orta məktəbdə pedaqoji internaturada olan Naxçıvan Dövlət Universitetinin tələbələri "Novruz gəlir, Yaz gəlir!" adlı tədbir keçiriblər. Tədbirə Azərbaycan Respublikasının dövlət himni ilə başlayan tələbələr daha sonra vətənimizin ərazi bütövlüyü uğrunda canından keçən şəhidlərin xatirəsini 1 dəqiqəlik sükutla yad etmişlər. Tədbiri giriş sözü ilə NDU-nun Kariyera, təcrübə və məzunlarla iş bölməsinin müdiri Aynurə Seyidova açaraq məktəb kollektivini və tələbələri Novruz bayramı münasibətilə təbrik etmiş və onlara uğurlar arzulamışdır. Məktəblilərin bir-birindən rəngarəng nömrələrlə çıxış etməsi, kosa ilə keçəlin deyişməsi hər kəs tərəfindən maraqla qarşılanıb. Sonda tədbirdə iştirak edən şagirdlərə diplom təqdim edilmişdir.
https://www.facebook.com/share/p/7zujdECHdJATy7mB/?mibextid=oFDknk
Naxçıvan Dövlət Universitetinin Texnologiya müəllimliyi ixtisası üzrə IV kurs tələbəsi Nərmin Abdullayevanın pedaqoji internaturada olduğu Heydər Əliyev adına tam orta məktəbdə "Novruz"a həsr edilmiş fərdi sərgisi keçirilib. Sərgidə Nərmin xanımın şəxsinə aid olan qədim xalçaçılıq, toxuculuq, kulinariya nümunələri və sınaq dərslərində məktəblilərlə birgə hazırladığı müxtəlif əl işləri sərgilənib. Məktəb kollektivi tərəfindən maraqla qarşılanan sərgidə məqsəd yeni nəsilə adət-ənənələrimizin, mədəniyyətimizin aşılanması olmuşdur. NDU-nun İbtidai sinif, məktəbəqədər və texnologiya kafedrasının müdiri, dosent Mətanət Quliyeva, pedaqoji fakültənin dekanı, dosent Vəli Əliyev və Heydər Əliyev adına tam orta məktəbin direktotu Məlahət Rüstəmova sərgidə iştirak edənlər arasında olmuşlar. Onlar çıxış edərək sərginin əhəmiyyətini vurğalmış, milli ruhumuza, adət-ənənəmizə, mədəniyyətimizə həsr edilən işlərin davamlı olmasının vacibliyini bildirmişlər. Sərgiyə baxışdan sonra məktəblilər şerlər, mahnılar söyləmiş, müxtəlif səhnəciklərlə çıxış etmişlər. Nərmin xanıma uğurlar arzulayırıq.
https://www.facebook.com/share/p/spJkQYwcBTrTT7pG/?mibextid=oFDknk
Naxçıvan Dövlət Universitetinin Karyera, təcrübə və məzunlarla iş bölməsinin təşkilatçılığı və pedaqoji internaturada olan tələbələrin dəstəyi ilə Naxçıvan MR-in 100 illiyinə həsr edilmiş "Bilik piramidası"adlı yarış keçirilmişdir. İki gün davam edən və üç mərhələdən ibarət olan yarışda Naxçıvan şəhər ümumtəhsil məktəblərindən seçilən 100 şagird iştirak etmişdir. Yarışın ilkin mərhələsi NDU-nun nəzdində fəaliyyət göstərən Texniki Kollecdə baş tutmuşdur. Bu mərhələdə yarışan 100 şagirddən 20-si yarımfinal mərhələsinə vəsiqə qazanmışdır. NDU-nun Magistratura və doktorantura Mərkəzinin ev sahibliyi etdiyi ikinci gündə isə yarışan 20 şagirddən 5-i final mərhələsində ilk üç yer üçün mübarizə aparmışlar. Yarışla bərabər əyləncəli oyunların da keçirildiyi tədbirdə şagirdlər xeyli əylənmişlər. Şagirdləri ilə birgə tədbirdə iştirak edən ümumtəhsil məktəblərinin tərbiyə işləri üzrə direktor müavinləri tədbirdən çox razı qaldıqlarını, bu tip yarışların şagirdlərin inkişafında müsbət rol oynadığını və bunun üçün NDU rəhbərliyinə və kollektivinə təşəkkürlərini bildirmişlər.
Qeyd edək ki, təbdirdə iştirak edən 100 şagirdin hər birinə müxtəlif dərəcəli təşəkkürnamə və diplomlar, həmçinin final mərhələsində yarışan şagirlərə hədiyyələr təqdim olunmuşdur. Məlumat üçün bildirək ki, ilk yerin qalibi Heydər Əliyev adına tam orta məktəbin şagirdi Vurğun Tarverdiyev olmuşdur. Biz də yarışda iştirak edən bütün şagirdləri təbrik edir və uğurlarının davamlı olmasını arzulayırıq.
Naxçıvan Dövlət Universitetinin daha bir məzunu öz uğurunu qeyd etmək üçün doğma ali təhsil ocağını seçib!
Belə ki, NDU növbəti dəfə Tarix-filologiya fakültəsinin "Azərbaycan dili və ədəbiyyat" ixtisasından 1996-cı ildə məzun olmuş Fəxrəddin Teymuroğlunun yenicə işıq üzü görmüş "Kaş ki..." adlı kitabının təqdimat mərasiminə ev sahibliyi etmişdir. Tədbiri giriş sözü ilə açan NDU-nun Tədris və tərbiyə işləri üzrə prorektoru, tarix üzrə fəlsəfə doktoru, dosent Rafiq Rəhimov qonaqları salamlamış və Fəxrəddin müəllimin NDU-nun fəal məzunlarından olduğunu, onun ali təhsil müəssisəsi llə daim əlaqə saxladığını bildirmişdir. Təqdimatda NDU-nun Elmi kitabxanasının direktoru, filologiya üzrə fəlsəfə doktoru, dosent Xumar Məmmədova müəllifin müraciət etdiyi mövzulara toxunmuş, onun yaradıcılığı haqqında geniş çıxış etmişdir. Daha sonra Azərbaycan dilçiliyi kafedrasının əməkdaşları, filologiya üzrə fəlsəfə doktoru, dosent Əbülfəz Əzimli və filologiya üzrə fəlsəfə doktoru Seyfəddin Eyvazov kitab haqqında fikirlərini səsləndirmişlər. Müəllifin həyatı haqqında isə vaxtilə onun şagirdi olan NDU-nun dosenti, riyaziyyat üzrə fəlsəfə doktoru Nailə Namazova məlumat vermişdir. Daha sonra müəllifin sözlərinə bəstələnmiş mahnılar, müəllifin özünün və bədii qiraət ustalarının ifasında olan şeirləri səsləndirilmişdir. Tələbələr də öz növbəsində Fəxrəddin Teymuroğlu qələminə məxsus olan şeirlər söyləmişlər. Sonda müəllif göstərilən diqqətə görə başda NDU rəhbərliyi olmaqla bütün kollektivə minnətdarlığını bildirmiş və şeirsevənlər üçün kitabını imzalamışdır.
Qeyd edək ki, Fəxrəddin Teymuroğlu 5 kitabın və 10 mahnının sözlərinin müəllifidir. 50-dək şeiri Azərbaycanın Xalq artisti, bədii qiraət ustası Əminə Yusifqızının ifasında səsləndirilmişdir.
Tədbir NDU-nun Karyera, təcrübə və məzunlarla iş bölməsinin təşkilatçılığı ilə keçirilmişdir.
https://www.facebook.com/share/p/DnpbYnmrfrpUm6Gk/
Naxçıvan şəhər 13 N-li tam orta məktəbdə pedaqoji internaturada olan Naxçıvan Dövlət Univetsitetinin Texnologiya müəllimliyi ixtisası üzrə təcrübəçi tələbələri nümunəvi bir işə imza atıblar. Belə ki, sınaq dərslərini yekunlaşdıran tələbələr "Yaşıl dünya naminə həmrəylik ili" ilə əlaqədar aksiya keçiriblər. Məktəbin kitabxanasında kitablara qulluq etməklə işə başlayan tələbələr daha sonra məktəbin daxilində və həyətyanı sahəsində təmizlik və abadlıq işləri aparmış məktəbin həyətyanı sahəsindəki agac və güllərə qulluq etmişlər. Sonda tələbələr şagirdlərə məişət xidməti qaydalarını öyrətmək məqsədilə məktəbin yeməkxanasında çalışanlara köməklik etmiş, şagirdlərlə birgə yeməkxanada əyləşənlərə xidmət etmiş və onlar üçün çay süfrəsi açmışlar. Atdıqları bu addıma görə başda NDU-nun müəllimi təcrübə rəhbəri Rəsmiyyə xanım Tağıyeva olmaqla təcrübəçi tələbələrimizə təşəkkür edirik və onlarla fəxr edirik.
https://www.facebook.com/share/v/ep5cBxaY7dNmEVCd/
Naxçıvan Dövlət Universitetində Karyera sərgisi açılıb
Naxçıvan Muxtar Respublikasında Azərbaycan Respublikası Prezidentinin Səlahiyyətli Nümayəndəliyi, Naxçıvan Muxtar Respublikası Nazirlər Kabineti və Naxçıvan Dövlət Universitetinin təşkilatçılığı ilə karyera sərgisinin açılış tədbiri keçirilib.
https://www.facebook.com/share/p/QpBcGhXH7XLwtiNM/
Naxçıvan Dövlət Universitetində pedaqoji və istehsalat təcrübələrinin yekun konfransı keçirilib
Qeyd: 2023-2024-ci tədris ilində 359-u pedaqoji, 742-si istehsalat təcrübəsi olmaqla ümumilikdə 1101 tələbə dövlət müəssisələrində və orta məktəblərdə təcrübə keçib.
https://www.facebook.com/share/p/uNCssXF8dYSPoGe8/