Əlavə (təkrar)  ali təhsil almaq istəyən şəxslər 04 iyun - 20 avqust 2026-cı il tarixlərində Azərbaycan Respublikasının Elm və Təhsil Nazirliyinin www.portal.edu.az platformasından qeydiyyatdan keçərək müraciətlərini edə bilərlər. Platformaya daxil olduqdan sonra “Əlavə təhsilə elektron sənəd qəbulu xidmətinə” keçid edərək muvafiq xanaları doldurduqdan sonra “Əvvəlki təhsil haqqında sənəd və onun əlavəsi”nin əslini (nüsxəsi icazə verilmir) və “İxtisasın tanınması və ekvivalentliyinin müəyyən edilməsini təsdiq edən sənəd” sistemə yüklənilir.

Təkrar ali təhsil yalnız ödənişli formada bağlanmış fərdi müqavilə əsasında həyata keçirilir. Təhsilini müvəffəqiyyətlə başa vuranlara müvafiq ixtisas üzrə Ali təhsil pilləsinin bakalavriat, əsas (baza ali) tibb təhsili səviyyələrində təhsilini bitirən şəxslərə qanunvericiliklə müəyyən edilmiş qaydada “Təhsil Mərkəzləşdirilmiş İnformasiya Sistemi”ndə (bundan sonra – TMİS) “Elektron imza və elektron sənəd haqqında” Azərbaycan Respublikası Qanununun tələblərinə uyğun olaraq elektron sənəd formasında yaradılan müvafiq təhsil haqqında dövlət sənədi - diplom (diploma əlavə ilə birlikdə) verilir.

1993-cü ildən sonra xarici ali təhsil müəssisələrinin məzunları aldıqları ixtisasların Azərbaycan Respublikası ərazisində tanınması və ekvivalentliyi barədə Azərbaycan Respublikasının Elm və Təhsil Nazirliyi tərəfindən verilmiş şəhadətnamə təqdim etməlidirlər.

Təkrar ali təhsilə qəbul 2 mərhələdə Test və Müsahibə əsasında aparılır. Test mərhələsini uğurla keçən namizədlər Müsahibə mərhələsinə buraxılacaq. Hər iki mərhələni uğurla keçən namizədlər təkrar ali təhsil almaq hüququ qazanır. İmtahanların tarixi və yeri haqqında məlumatlar namizədlərin şəxsi kabinetlərinə göndəriləcək.

Ünvan : Naxçıvan şəhəri, Universitet şəhərciyi, əsas bina.

Telefon: 036-544-08-61 (Daxili 1023)

QEYD: Tibb ixtisası üzrə müraciət etmiş namizədlərin əsas (baza ali) tibb təhsili ixtisaslarına və ya əczaçılıq, kimya, biologiya ixtisaslarına uyğun gəldiyi halda müraciət etmək hüququnu özündə saxlayır.