Vəzifələrimiz

·        NDU-nun elmi-pedaqoji fəaliyyətinin inkişafında, elmi kadrların hazırlanmasında iştirak etmək;

·        Müxtəlif elmi istiqamətlər üzrə aktual problem və mövzularla bağlı təkliflər hazırlamaq, müvafiq tədqiqat işlərini yerinə yetirmək;

·        NDU-nun müvafiq struktur bölmələri ilə səmərəli əlaqələr yaratmaq, professor – müəllim heyətini, tələbə, magistrant və doktorantları Mərkəzdə aparılan elmi tədqiqatlara cəlb etmək;

·        Elmi irəliləyişlərə yol açan, nəzəri və praktiki bilikləri zənginləşdirməyə yönəlmiş müxtəlif elmi-texniki fənlər üzrə yüksək keyfiyyətli tədqiqat layihələri hazırlamaq;

·        İnnovativ metodların və müasir informasiya texnologiyaların tətbiqi ilə universitetdə və digər elmi-tədqiqat müəssisələrində, beynəlxalq elm və texnologiya festivallarında sərgilərin təşkilində iştirak etmək;

·        Elmi-tədqiqat nəticələrini müzakirə etmək, həmçinin elmi konfrans, seminar, dəyirmi masa, mühazirə və s. formatda tədbirlər keçirmək, bu sahədə müxtəlif elm və təhsil müəssisələri, tanınmış alim və mütəxəssislərlə müntəzəm əməkdaşlıq etmək;

·        Elm, təhsil, innovasiya mərkəzlərinin qrant layihələri, proqram və müsabiqələri çərçivəsində müstəqil və birgə elmi-tədqiqat işləri aparmaq;

·        Beynəlxalq elmi əlaqələrin davamlı inkişafı üçün ardıcıl tədbirlər görmək, nəzəri və praktiki əhəmiyyət kəsb edən birgə proqram və layihələr həyata keçirmək;

·        NDU-da ali təhsilin elmi problemlərinin həllində, tədqiqatın nəticələrinin tədris prosesinə tətbiqində və onun təkmilləşdirilməsində iştirak etmək;

·        NDU-da elmi fəaliyyətin və tədris prosesinin təşkili ilə bağlı vəziyyəti öyrənmək məqsədilə sorğular keçirmək, təhlillər aparmaq, nəticələrə dair rəy və təkliflər hazırlayıb, rəhbərliyə təqdim emək;

·        Mərkəz əməkdaşlarının elmi fəaliyyətinin təşviq edilməsi və ixtisas səviyyəsinin artırılması üçün tədbirlər görmək;

·        Mərkəzin illik fəaliyyət planını və görülmüş işlərin hesabatını hazırlayıb rəhbərliyə təqdim etmək;

·        Bu əsasnamə ilə müəyyən edilmiş digər vəzifələri yerinə yetirmək.