1.1. Mərkəzə müraciət edən bütün şəxslərin, xüsusilə tələbələrin və universitet əməkdaşlarının psixoloji və sosial adaptasiya səviyyələrini yüksəltmək, problemlərini həll etmək və özlərini təkmilləşdirməkdə köməklik etmək;

1.2. Universitet tələbələrinin həyatları boyunca təhsil, peşə və şəxsi-sosial sahələrdə inkişaf etmələri, qarşılaşdıqları problemlərlə mübarizə aparmaları və həyatlarını daha məmnuniyyətlə davam etdirmələri üçün yardım etmək;

1.3. Tələbələrin (şagirdlərin) sağlam sosial, emosional və idrak inkişafının qorunmasına kömək etmək;

1.4. Tələbələrin təhsil dövründə yarana biləcək müxtəlif problemlərə qarşı qabaqlayıcı və inkişaf etdirici tədqiqatlar və təcrübələr təqdim etmək;

1.5. Universitet tələbələrinin psixo-sosial və akademik adaptasiyasına kömək etmək;

1.6. Mərkəzin fəaliyyət sahələri üzrə təlim, tədqiqat və tətbiqlər həyata keçirmək və bu sahədə pedaqoq və psixoloq aparacağı tədqiqatlara dəstək vermək;

1.7. Psixoloji xidmət və konsultasiya mərkəzinin əməkdaşlarının peşəkar inkişafına töhfə vermək;

1.8. Mərkəzin məqsədlərinə uyğun kitablar, broşürlər, bülletenlər və bu kimi təbliğat nəşrləri hazırlamaq.

2. Mərkəzin fəaliyyət istiqamətləri:

2.1. Məlumatlandırma: Muxtar respublikada və universitetdə açılan imkanlar haqqında tələbələri məlumatlandırmaq və yeni qəbul olan tələbələrlə psixoloji söhbətlər aparmaq;

2.2. Psixo-təhsil: Tələbələrin şəxsi, sosial və təhsil səriştələrini artırmaq üçün təhlükəsizlik, effektiv iş, qərar qəbul etmə, narahatlıq və stresslə mübarizə, şəxsiyyətlərarası ünsiyyət bacarıqlarının təkmilləşdirilməsi və bu kimi mövzularda qruplarla qrup işinin aparılması.

2.3. Məsləhətləşmələrin monitorinqi və qiymətləndirilməsi: Mərkəzdə təklif olunan xidmətlərin effektivliyini qiymətləndirmək üçün monitorinq və qiymətləndirmə xidmətlərini həyata keçirmək və lazım gəldikdə konsultasiya araşdırmaları aparmaq;

2.4. Psixoloji konsultasiya: Mərkəzdə çalışan psixoloji məsləhətçilər tərəfindən tələbələrə fərdi və qrup şəklində məsləhət xidmətlərinin göstərilməsi;

2.5. Həmyaşıdlarla məsləhətləşmə üzrə təlim proqramının hazırlanması və həyata keçirilməsi;

2.6. Mərkəzdə çalışan əməkdaşların ixtisaslarının artırılması üçün konfranslarda, kurslarda, seminarlarda və bu kimi tədbirlərdə iştirakına dəstək vermək.

2.7. Mərkəz işçilərinə nəzarət: Mərkəzdə çalışan mütəxəssislərin öz sahələrində mütəxəssis olan pedaqoq və psixoloqların nəzarəti altında təhsillərini həyata keçirmələrini təmin etmək;

2.8. Təcrübə təhsili: Psixoloji sahə üzrə təhsil alan bakalavr, magistr və doktorantura tələbələrinin ixtisaslı alimlərin nəzarəti altında fərdi və qrup halında təcrübə keçməsinə şərait yaratmaq;