Əczaçılıq elmi tədqiqat laboratoriyası Naxçıvan Dövlət Universitetinin Elmi Şurasının 06 iyul 2023-cü il tarixli iclasının 12 N° -li qərarı və NDU rektorunun 13a-li əmrinə əsasən yaranmışdır.
Müasir tədqiqat laboratoriyalarından biri olan Əczaçılıq elmi tədqiqat laboratoriyamız Əczaçılıq və biokimya kafedrasının nəzdində fəaliyyət göstərir. Hazırda, laboratoriyada gənc tədqiqatçılar və müəllim heyəti ilə bakalavriat və magistiratura səviyyəsindəki tələbələrlə təlim və tədris planına uyğun olaraq elmi-praktiki araşdırmalar, tədqiqatlar və analizlər aparılır, bitki xammallarından təbii üsullarla bitki mənşəli məhsullar alınır. Bu analizlər aşağıdakı qaydada sadalanmışdır.
• Nəmlik analizləri
• Aktiv turşuluğun təyini analizləri
• Kül təyini analizləri
• Kimyəvi analizlər
• Fiziki analizlər
• Vitamin analizləri
• Zülalların təyini
• Karbohidratların təyini
• Amin turşularının təyini
• Spektrofotometr analizləri
• Saflaşdırma analizləri
• Durulaşdırma analizləri və s. kimi tələblərə uyğunluğunun qiymətləndirilməsi proresləri həyata keçirilir.
Zəngin bitki ehtiyatına və biomüxtəlifliyə malik Naxçıvan MR ərazisindən bitki xammallarının toplanması, bitkilərdən çıxarışların, ekstraktların, efir yağlarının, kremlərin, serumların alınması və s. məsələlər nəzərdə tutulmuşdur.
• Elmi tədqiqat işləri və layihələri həyata keçirmək;
• Beynəlxalq və ölkədaxili konfranslar, simpoziumlar, seminarlar, müzakirələr, dəyirmi masalar, təlimlər təşkil etmək;
• Müxtəlif dillərdə nəşrlər hazırlayıb çap etdirmək;
• Hesabatlar, kitabçalar, vəsaitlər, tədqiqat sənədləri, məqalələr, bülletenlər, kitablar və s. hazırlamaq;
• Xaricdə və Ölkə daxilində yerləşən tədqiqat mərkəzləri, institutlar, universitetlər və özəl sektor təmsilçiləri ilə əməkdaşlıq etmək;
• Səlahiyyətləri çərçivəsində universitetin inkişaf konsepsiyasının həyata keçirilməsini təmin etmək;
• Laboratoriyanın iş planı və fəaliyyəti ilə bağlı hesabatlar hazırlamaq;
• Laboratoriya tərəfindən fəaliyyət prosesində qanunvericiliyə uyğun olaraq xidməti məlumatların qorunmasını təmin etmək;
• Fəaliyyət istiqamətlərinə uyğun olaraq qanunvericilkdə nəzərdə tutulmuş digər vəzifələri yerinə yetirmək;
Laboratoriyada bitki xammallarının tədqiqi, onlardan efir yağlarının, kremlərin, serumların alınması üçün lazım olan avadanlıqlar mövcuddur.
