Tədbirdə çıxış edən universitetin rektoru Elbrus İsayev bildirib ki, Naxçıvan Muxtar Respublikada formalaşan tolerant mühit və xarici vətəndaşlara göstərilən xüsusi diqqət nəticəsində NDU-da təhsil alan əcnəbi tələbələrin sayı hər il artmaqdadır. Qeyd olunub ki, hazırda universitetdə 14 ölkədən 1700-dən çox əcnəbi tələbə təhsil alır və onlardan 5 nəfəri "Heydər Əliyev adına Beynəlxalq Təhsil Qrantı" təqaüdü ilə təhsil alır. Rektor qeyd edib ki, NDU-da xarici tələbələr üçün yaradılan şərait yüksək səviyyədədir və onların aldıqları təhsilin keyfiyyəti yerli tələbələr kimi daim diqqət mərkəzində saxlanılır. Görüşdə vurğulanıb ki, əcnəbi tələbələr universitetin ictimai və mədəni fəaliyyətlərində fəal iştirak edirlər, onlar müxtəlif tədbirlərin və konsert proqramlarının hazırlanmasında və universitetin sosial həyatında fəallıq göstərirlər.
Sonda tələbələrə təhsillərində müvəffəqiyyət qazanmaq üçün faydalı məsləhətlər verilib, onların sualları cavablandırılıb və qarşılaşdıqları çətinliklərin həlli ilə bağlı müzakirələr aparılıb. Görüş tələbələr arasında mədəni mübadilə və akademik uğurun artırılmasına xidmət edən vacib platforma kimi dəyərləndirilib.
