Kollektiv Arzu Abdullayevi Naxçıvan Muxtar Respublikası Ali Məclis Sədrinin müavini seçilməsi münasibətilə təbrik ediblər. Görüşdə Naxçıvan Dövlət Universitetinin rektoru Elbrus İsayev və ali təhsil ocağının əməkdaşları iştirak edib.
Rektor qeyd edib ki, universitetin məzunları muxtar respublikanın müxtəlif müəssisələrində öz işlərini uğurlu həyata keçirirlər. Universitetin məzunu, muxtar respublikada təhsil sahəsində uğurlu fəaliyyəti ilə seçilən Arzu Abdullayevin yeni vəzifəsində dövlətə və dövlətçiliyə sədaqətlə xidmət göstərəcəyinə əminlik ifadə olunub.
Naxçıvan Dövlət Universitetində səmərəli fəaliyyətinə görə tarix üzrə fəlsəfə doktoru, dosent Arzu Abdullayevə təşəkkürnamə təqdim edilib.
