Naxçıvan Dövlət Universitetinin Pedaqoji fakültəsində Zəfər Günü ilə əlqədar tədbir keçirilib.
Naxçıvan Dövlət Universitetinin Həmkarlar İttifaqı Komitəsinin sədri Nicat Yaqubov ali təhsil ocağında şəhid ailələri ilə mütəmadi görüşlərin keçirilidiyini bildirib. Qeyd olunub ki, gənc nəslin vətənpərvər ruhda tərbiyə olunmasında belə tədbirlər xüsusi əhəmiyyət daşıyır.
Naxçıvan Dövlət Universitetinin Pedaqoji fakültəsini dekanı, pedaqogika üzrə fəlsəfə doktoru, dosent Vəli Əliyev “Şanlı qələbəyə gedən yol“ mövzusu ətrafında çıxış edib. Qeyd edilib ki, 4 nəfər Vətən müharibəsi iştirakçısının olduğu fakültədə, tələbələr milli ruhda tərbiyə olunur.
Sonra fakültənin kafedra müdirlərinin “Milli ordumuzun şanlı zəfəri”, şəhid ailələrinin “Şəhidlərin zəfər yolu” mövzularında çıxışları dinlənilib.
Sonda, tələbələr tərəfindən vətənpərvər mövzuda şeirlər səsləndirilib və bədii kompazisiya təqdim edilib.
