Ölkənin ən prestijli "İnnovasiya Liderlərinin Mükafatları"na namizədlərdən NDU-nun Memarlıq və mühəndislik fakültəsinin tələbəsi Şəhriyar Quliyev, “AgroChat” startapı ilə daha bir uğura imza atıb.
Şəhriyar Quliyev “AgroChat” startapı ilə Azərbaycan üzrə 2024-cü ildə Top 24 startapdan biri kimi İnnovasiya və Rəqəmsal İnkişaf Agentliyinin keçirdiyi “IDDA Awards” müsabiqəsində "İlin Kəşfi" nominasiyasına seçilib.
Nəzərinizə çatdıraq ki, Şəhriyar Quliyev “Enterprise Azerbaijan” nəzdində Nevada Universiteti, Almaniya Süni İntellekt Araşdırmalar Mərkəzi, OSTİM Texniki Universiteti kimi nüfuzlu Universitet ve İnstitutlardan sahibkarlıq və suni intellekt təlimi alıb, il ərzində Türkiyə, Özbəkistan, Portuqaliya, Dubai və çoxsaylı yerli 30-dan çox elmi konfransda iştirak edib, “iFEST”, “INMerge” kimi regionun öndə gələn innovativ tədbirlərində startap qismində iştirak edib, “UFAZ Heydər Əliyev-100”, “Qazaxıstan Strategeast” kimi hakatonlara qoşulub və “Robotex Eurasia”da qalib olub.
