DIRNA Erasmus+ layihəsi çərçivəsində İzmir Yüksək Texnologiya İnstitutunun təlimçiləri tərəfindən “Süni intellektin tədqiqat fəaliyyətlərinə təsiri və kitabxana xidmətlərində tətbiqi” mövzusunda təlim keçirilib. Tədbirdə Naxçıvan Dövlət Universitetinin Elmi Kitabxanasının və Memarlıq və Mühəndislik fakültəsinin əməkdaşları iştirak ediblər.
Təlimdə süni intellekt texnologiyalarının akademik tədqiqat prosesinə inteqrasiyası, məlumat resurslarının daha səmərəli idarə olunması və istifadəçi dostu elektron kitabxana sistemlərinin yaradılması məsələləri müzakirə edilib. Təlimçilər, həmçinin süni intellektin istifadəsinin üstünlükləri və bu texnologiyalardan düzgün yararlanmaq üçün tələb olunan əsas bacarıqlar haqqında ətraflı məlumat veriblər.
.jpeg)
