Naxçıvan Dövlət Universitetinin rektoru Elbrus İsayevin əmri ilə universitet əməkdaşlarının aylıq vəzifə maaşları orta hesabla 15% artırılıb.
Bundan başqa universitetin bir sıra strukturlarda diferensial əmək haqqı sistemi tətbiq edilib:
1. Tələbə sayına görə dekan və dekan müavinlərində– aylıq vəzifə maaşına 30%-ə qədər əlavə;
2. Kafedra müdirlərində - akademik qiymətləndirmə və keyfiyyət meyarları əsasında qiymətləndirilməsinə və dərs yükünə görə - aylıq vəzifə maaşına 20%-ə qədər əlavə;
3. Tibb fakültəsinin professor-müəllim heyətinə aylıq vəzifə maaşına 40%-ə qədər əlavə;
4. Tədrisi ingilis dilində olan ixtisaslarda tədrislə məşğul olan professor-müəllim heyətinə aylıq vəzifə maaşına 90%-ə qədər əlavələr.
