Universitetin Elmi Kitabxanasında “İqtisadiyyat və marketinq” kafedrasının dosenti, iqtisad üzrə fəlsəfə doktoru Həvva Adıgözəlovanın müəllifi olduğu “İnkişaf iqtisadiyyatı” adlı dərs vəsaitinin təqdimatı keçirilib.
Naxçıvan Dövlət Universitetinin rektor müşaviri (iqtisadi məsələlər üzrə) Ülvi Baxışlı tədbiri giriş sözü ilə açaraq bildirib ki, iqtisadiyyatın bir çox sahələrindən fərqli olaraq, inkişaf iqtisadiyyatı yanaşmaları konkret planlar hazırlamaq üçün sosial və siyasi amilləri özündə birləşdirir. Diqqətə çatdırılıb ki, iqtisadiyyatın bir çox digər sahələrindən fərqli olaraq tələbələrin nəyi bilməli olduğuna dair konsensus yoxdur.
Sonra, İqtisadiyyat və idarəetmə fakültəsinin dekanı, iqtisad üzrə fəlsəfə doktoru dosent Əşrəf Ələkbərov, “İqtisadiyyat və marketinq” kafedrasının müdiri, iqtisad üzrə fəlsəfə doktoru, dosent Eltun İbrahimov, “Beynəlxalq ticarət və menecment kofedrasının müdiri, iqtisad üzrə fəlsəfə doktoru, dosent Cavadxan Qasımov, “İqtisadiyyat və marketinq” kafedrasının dosenti, iqtisad üzrə fəlsəfə doktoru Turqan Babayev və başqaları çıxış edərək dərslik haqqında öz fikirlərini bölüşüb, müəllifə fəaliyyətində uğurlar arzulayıblar.
