Universitetin Elmi Kitabxanasında “İqtisadiyyat və marketinq” kafedrasının müəllimi Elşən Nəsirovun ingilis dilində hazırladığı “Economics A-Z. Mikro və makroiqtisadiyyatın əsas terminlərinin izahlı lüğəti” adlı kitabının təqdimat mərasimi keçirilib.
Tədbirdə giriş sözü ilə çıxış edən universitetin Beynəlxalq əlaqələr üzrə prorektoru Aidə Cəlilzadə kitabın geniş oxucu auditoriyası üçün nəzərdə tutulduğunu və “İqtisadiyyat” ixtisasında təhsil alan tələbələrin ixtisaslarına uyğun olaraq beynəlxalq standartlara uyğun kadr olaraq formaşlamalarında bu vəsaitin əhəmiyyətli olacağını bildirib.
Daha sonra çıxış edənlər İqtisadiyyat və idarəetmə fakültəsinin dekanı, iqtisad üzrə fəlsəfə doktoru, dosent Əşrəf Ələkbərov, “Beynəlxalq ticarət və menecment” kafedrasının müdiri, iqtisad üzrə fəlsəfə doktoru, dosent Cavadxan Qasımov kitab haqqında fikirlərini bölüşüblər.
Sonda çıxış edən Naxçıvan Dövlət Universitetinin “İqtisadiyyat və Marketinq” kafedrasının müəllimi Elşən Nəsirovun bildirib ki, Lüğət, xüsusilə Naxçıvan Dövlət Universitetinin “İqtisadiyyat” ixtisasında təhsil alan tələbələr üçün nəzərdə tutulub və onların iqtisadi terminologiyanı dərindən öyrənərək, müasir bazar subyektlərinin fəaliyyətini anlamaqlarına dəstək olur. Diqqətə çatdırılıb ki, mallar, xidmətlər, qiymətli kağızlar, valyuta və digər bazar iştirakçılarının fəaliyyətini əhatə edən lüğət, həm də mütərəqqi islahatların tələblərinə uyğun nəzəri və praktiki biliklərin mənimsənilməsinə imkan yaradır. Bu resurs iqtisadiyyat üzrə beynəlxalq standartlara uyğun kadr hazırlığına da əhəmiyyətli töhfə verəcəkdir.
