Naxçıvan Dövlət Universitetinin Media və ictimaiyyətlə əlaqələr bölməsi xəbər verir ki, Naxçıvan Dövlət Universitetinin Beynəlxalq Əlaqələr Şöbəsinin əməkdaşı Nuray Məmmədova və Xarici dillər fakültəsinin müəllimi Tehranə Xudaverdiyeva tərəfindən "How to improve language skills" mövzusunda tələbələrlə birlikdə ingilis dilində disskusiya təşkil edilib. Diskussiya zamanı əsasən dil bacarıqlarını inkişafı, yeni biliklərə yiyələnməyin əhəmiyyəti və bu bacarıqları inkişaf etdirməyin metod və yolları mövzusunda müzakirə olub.
Daha sonra Beynəlxalq Əlaqələr Şöbəsinin əməkdaşı Nuray Məmmədova tərəfindən "Student Exchange Programs" mövzusunda ingiliscə infosessiya keçirilib. İnfosessiyada xarici dil biliklərinin mübadilə proqramlarında və xarici ölkə ali təhsil müəssisələrində stajkeçmədəki rolundan və əhəmiyyətindən bəhs edilib həmçinin tələbə mübadiləsinin şərtləri və proqram iştirakçılarının əldə edəcəkləri uğurlar haqqında təqdimat olub.
İnfosessiya zamanı mübadilədə iştirak eedən tələbələrin uğurları haqqında müzakirələr aparılıb eyni zamanda Naxçıvan Dövlət Universitetinin beynəlxalq əlaqələri və mobillik qaydaları haqqında məlumat verilib.
Sonda iştirakçıları maraqlandıran suallar cavablandırılıb.
