Naxçıvan Dövlət Universitetinin Xarici Dillər fakültəsinin İngilis dili və metodika kafedrasının baş müəllimi, Paşayeva Sənəm Adil qızının 70 illik yubileyi qeyd olunub. Tədbirdə universitetin rektoru Elbrus İsayev iştirak edərək yubilyara təbriklərini çatdırıb və onun elmi-pedaqoji fəaliyyətini yüksək qiymətləndirib. Rektor yubilyarı təbrik edib və universitetin fəxri fərmanını təqdim edib.
Naxçıvan Dövlət Universitetinin Xarici Dillər fakültəsinin dekanı, filologiya üzrə fəlsəfə doktoru Yasin Babazadə yubilyarın həyat və fəaliyyətindən bəhs edərək onun universitetdə uzun illər ərzində gördüyü işlərə diqqət çəkib.
Sonra çıxış edən Naxçıvan Dövlət Universitetinin Beynəlxalq əlaqələr üzrə prorektoru Aidə Cəlizadə, Sənəm Paşayevaya təbriklərini çatdırıb. Çıxış edən İngilis dili və metodika kafedrasının müdiri, filologiya üzrə fəlsəfə doktoru Türkan İsmayıllı universitet rəhbərliyinə təhsil və elm işçilərinə göstərilən diqqət və qayğıya görə minnətdarlığını bildirib və yubilyarı təbrik edib. Tədbirdə həmçinin Sənəm müəllimənin ailə üzvləri və tələbələri də iştirak ediblər.
Sonda Sənəm Paşayeva çıxış edərək tədbir iştirakçılarına göstərdikləri qayğıya görə minnətdarlığını bildirib.
<>
