Vebinarda açılış sözü ilə çıxış edən “Teatr və mədəniyyətşünaslıq” kafedrasının müdiri, filologiya üzrə fəlsəfə doktoru, dosent Gülxarə Əhmədova keçirilən vebinarın tələbələr üçün olduqca əhəmiyyətli olduğunu vurğulayıb. Bildirilib ki, vebinarda iştirak edən “Teatr və mədəniyyətşünaslıq” kafedrasının tələbələri qiraət bacarıqlarını, ifa tərzlərini və şeirə yanaşmalarını müsbət yöndə daha da artıracaqlar.
Sonra ADMİU-nun Musiqili teatr aktyoru kafedrasının müdiri, Azərbaycanın məşhur aktyoru və bədii qiraətçisi, Azərbaycan Respublikasının əməkdar artisti, 3-cü dərəcəli “Əmək” ordenli professor, “Sənətkar” medalı laureatı Azad Şükürov “Bədii qiraət və əruz vəzni” mövzularında vebinar keçib. Vebinarda tələbələrin sualları cavablandırlıb.
Vebinarda Naxçıvan Dövlət Universitetinin İncəsənət fakültəsinin dekanı, Azərbaycan Respublikasının əməkdar rəssamı Cavid İsmayılov, kafedranın müəllimləri, Azərbaycan Respublikasının xalq artisti Kamran Quliyev, Azərbaycan Respublikasının əməkdar artisti Tofiq Seyidov, Naxçıvan Muxtar Respublikasının Əməkdar artisti Azər Cəfərlidə iştirak ediblər.
