NDU Elmi Kitabxanasında Ümumi və nəzəri fizika kafedrasının baş müəllimi Seyfəddin Cəfərovun müəllifi olduğu “Fizika” adlı dərs vəsaitinin və Ümumi və nəzəri fizika kafedrasının baş müəllimləri Seyfəddin Cəfərov, fizika üzrə fəlsəfə doktoru Nuridə Əkbərova, fizika üzrə fəlsəfə doktoru, dosent Nailə Qardaşbəyovanın həmmüəllifi olduqları “Biofizika” adlı dərs vəsaitinin təqdimatı keçirilib.
Tədbiri giriş sözü ilə açan universitetin Tədris şöbəsinin müdiri Şahin Əliyev son dövrlər nəzəri biliklərin artırılması məqsədi ilə yeni nəşr olunan dərslik və dərs vəsaitlərini yüksək qiymətləndirib, xüsusilə biofizika elmi sahəsində aparılan elmi araşdırmaların dəyərindən bəhs edib.
Daha sonra Fizika-riyaziyyat fakültəsinin dekanı, riyaziyyat üzrə fəlsəfə doktoru, dosent Məftun İsmayılov, Ümumi və nəzəri fizika kafedrasının müdiri, fizika üzrə fəlsəfə doktoru, dosent Hacıyeva Billurə, fizika üzrə fəlsəfə doktoru, dosent Aygün Sultanova və digər çıxışçılar təqdimatı keçirilən dərs vəsaitlərinin elmi əhəmiyyətindən bəhs ediblər.
