Ali təhsil ocağının “Fəlsəfə və sosial iş” kafedrasının müdiri Bağır Babayevin 65 illik, “Xüsusi hüquq” kafedrasının baş müəllimi Elman Abbasovun 70 illik yubileyləri qeyd olunub.
Naxçıvan Dövlət Universitetinin rektoru Elbrus İsayev, Bağır Babayevin və Elman Abbasovun ömür yolu və elmi-pedaqoji fəaliyyətindən danışıb. Rektor görkəmli pedaqoqların həm elmi töhfələrini, həm də pedaqoji fəaliyyətlərini yüksək qiymətləndirərək, onların təhsil və elm sahəsində yaratdıqları irsi vurğulayıb. Qeyd olunub ki, hər iki müəllimin fəaliyyəti Naxçıvan Dövlət Universitetinin elmi-mədəni mühitinin zənginləşməsinə mühüm təsir göstərib və gələcək nəsillər üçün örnək təşkil edir. Rektor kər iki müəllimin tələbələr tərəfindən həyat və yaradıcılığının daha geniş şəkildə öyrənilməsinin əhəmiyyətini vurğulayıb. Sonra Elbrus İsayev hər iki yubilyarı təbrik edərək elmi-pedaqoji fəaliyyətlərində uğurlar arzu edib, universitetin fəxri fərmanını onlara təqdim edib.
Naxçıvan Dövlət Universitetinin Beynəlxalq münasibətlər və hüquq fakültəsinin dekanı, dosent Yusif Hüseynov, “Fəlsəfə və sosial iş” kafedrasının professoru, fəlsəfə üzrə elmlər doktoru Məmməd Rzayev, “Xüsusi hüquq” kafedrasının baş müəllimi Hikmət Əliyev çıxış edərək hər iki yubilyar barədə xoş fikirlərini söyləyiblət. Qeyd olunub ki, Bağır Babayev və Elman Abbasov NDU-nun elmi-pedaqoji həyatında fəal iştirak edir, peşəkar və ixtisaslı kadrların hazırlanma işinə mühüm töhfə veriblər. Sonra müəllimlər hər iki yubilyara hədiyyələrini təqdim ediblər.
