Naxçıvan Dövlət Universitetində Ramazan bayramı münasibəti ilə sosial layihə həyata keçirilib. Ali təhsil ocağının və bütün tabe qurumların ümumilikdə 200 nəfərlik təsərrüfat heyətinə bayram sovqatı paylanılıb. Həmçinin universitetin tələbə yataqxanasında yaşayan bütün əcnəbi və yerli tələbələr üçün bayram münasibəti ilə hazır yeməklər təqdim edilib. Sosial Mərkəzdə təqdim olunan sovqatda 80-dən artıq tələbə iştirak edib.
Rektor Elbrus İsayev universitetin əməkdaşlarına və tələbələrə Ramazan bayramı ilə əlaqədar təbriklərini çatdırıb. Əməkdaşlar və tələbələr göstərilən diqqətə görə minnətdarlıqlarını bildiriblər.
