Naxçıvan Dövlət Universitetində 5 və 8 may tarixlərində Ulu Öndər Heydər Əliyevin anadan olmasının 102-ci ildönümünə həsr olunan “Ulu Öndərin Xatirə Həftəsi” çərçivəsində "Müstəqilliyin Ulu Öndər Zirvəsi" adlı şeir müsabiqəsi təşkil edilib. Tədbir Tələbə Elmi Cəmiyyətinin təşkilatçılığı ilə Tarix-filologiya fakültəsində keçirilib.
Müsabiqəni Tarix-filologiya fakültəsinin dekanı Arif Ağalarov açıq elan edib, ardınca NDU TEC sədri Yusif Mirzəzadə çıxış edərək tədbirin məqsədi və əhəmiyyətindən bəhs edib.
10-dan artıq tələbənin iştirak etdiyi müsabiqədə Vətən, müstəqillik və Ulu Öndər mövzusunda şeirlər səsləndirilib. Tələbələr münsiflər heyəti tərəfindən qiymətləndirilib.
