Biznesin təşkili və idarə edilməsi (MBA) ixtisası üzrə kadr hazırlığı haqqında
Naxçıvan Dövlət Universiteti ali təhsilin həm bakalavriat, həm magistratura və həm də doktorantura səviyyələrində 250-dən artıq proqram üzrə kadr hazırlığını həyata keçirən ali təhsil ocağıdır. Universitetdə magistratura səviyyəsində 75 magistr proqramı üzrə 400-ə yaxın magistrant təhsil alır. Bu ixtisaslaşmalar standrat magistr proqramları ilə yanaşı Biznesin təşkili və idarə edilməsi (MBA) ixtisasının “Maliyyə” və “Səhiyyənin idarə edilməsi” ixtisaslaşmalarını da əhatə edir. Bu ixtisasın əsas üstünlüyü odan ibarətdir ki, universitetə ixtisas seçimi zamanı bakalavrlar ixtisasından aslı olmayaraq MBA ixtisasını seçməklə bu ixtisas üzrə müxtəlif ixtisaslaşmalarda təhsil ala bilərlər. Digər tərəfdən bu ixtisaslaşmaları bitirən şəxslər əldə etdikləri səriştələrlə öz şəxsi biznesini qura, inkişaf etdirə, müxtəlif dövlət və özəl qrumlarda çalışmaq imkanı əldə edirlər.
“Səhəyyənin idarə edilməsi” MBA ixtisaslaşması üzrə məzunlar Təhsil proqramının verdiyi hüquqlar üzrə müxtəlif vəzifələrdə çalışa bilərlər: Xəstəxana administratoru; Tibbi xidmətlərin koordinasiyası üzrə rəhbər; Tibbi sığorta şirkətində ekspert; Elektron sağlamlıq qeydləri (EHR) üzrə layihə rəhbəri; Rəqəmsal sağlamlıq platformaları üzrə ekspert; Əczaçılıq və biotexnologiya sahəsində əməliyyat rəhbəri; Səhiyyə idarəetməsi üzrə analitik; Sağlamlıq sistemlərinin optimallaşdırılması üzrə məsləhətçi; Beynəlxalq səhiyyə təşkilatlarında (WHO, UNICEF, GAVI) layihə rəhbəri /ekspert; Səhiyyədə rəqəmsal transformasiya layihələrinin rəhbəri; Biznes məktəblərində ixtisası/ixtisaslaşması üzrə müəllim və s.
“Maliyyə” (MBA) ixtisaslaşması üzrə məzunlar isə: Maliyyə direktoru; Korporativ maliyyə üzrə analitik; Maliyyə məsləhətçisi; Büdcə planlaşdırma üzrə məsləhətçi; Startaplarda maliyyə rəhbəri; Biznes məktəblərində ixtisası/ixtisaslaşması üzrə müəllim və s.
Göründüyü kimi MBA ixtisaslaşmaları məzunlarına olduqca fərqli iş imkanları yaradır.
NDU-da MBA ixtisaslaşmaları üzrə 2 illik dissertasiyalı və 1,5 illik dissertasiyasız tədris planları əsasında yüksəkixtisaslı kadr hazırlığı həyata keçirilir. 1,5 illik dissertasiyasız ixtisaslaşmaları bitirən məzunlardan fərqli olaraq 2 illik dissertasiyalı ixtisaslaşmaları bitirən məzunlar iqtisadiyyat elm sahəsi üzrə təhsilin növbəti səviyyəsi olan doktoranturada təhsilini davam etdirmək, elmi-tədqiqatla məşğul olmaq və ömürboyu təhsil imkanları əldə edir.
MBA proqramları