İqtisad elmləri doktoru, professor
Mən, Mehdi Siyavuş oğlu Bağırov 02 iyun 1971-ci il tarixdə Naxçıvan Muxtar Respublikasının Naxçıvan şəhərində ziyalı ailəsində anadan olmuşam. 1978-1988-ci illərdə Naxçıvan şəhərində yerləşən 3 saylı rus təmayüllü orta ümumtəhsil məktəbdə təhsil almışam.
1989-1994-cü illərdə Naxçıvan Dövlət Universitetinin “İqtisad” fakültəsinin “Mühasibat uçotu, nəzarət və təsərrüfat fəaliyyətinin təhlili” ixtisası üzrə ali təhsil almışam. (diplom: fərqlənmə AB-I № 000330, verilmə tarixi – 01 iyun 1996-cı il)
1994-1998-ci illərdə Azərbaycan Dövlət İqtisad Universitetinin aspiranturasında öz təhsilimi davam etdirmişəm. 22 dekabr 2000-ci il tarixdə həmin Universitetdə 08.00.12 – “Mühasibat uçotu, nəzarət və təsərrüfat fəaliyyətinin təhlili” ixtisas şifrəsi üzrə “Fermer təsərrüfatlarında gəlirlərin uçotu və onlardan istifadənin səmərəlliyinin təhlili” adlı dissertasiya müdafiə edərək iqtisad elmləri namizədi (hazırki – iqtisad üzrə fəlsəfə doktoru) elmi adına layiq görülmüşəm. (diplom: EN.№02336, verilmə tarixi – 08 may 2001-ci il)
2007-2012-ci ildən Naxçıvan Dövlət Universitetinin doktorantı olmuşam. 12 may 2018-ci il tarixdə 5312.01-“Sahə iqtisadiyyatı” ixtisas şifrəsi üzrə “Naxçıvan Muxtar Respublikasının aqrar sahəsində marketinq prinsipləri əsasında istehsal və satış sistemlərinin formalaşdırılması və təkmilləşdirilməsi” mövzusunda iqtisad üzrə elmlər doktorluğu dissertasiyasını müdafiə etmişəm.
1994-cü ildən bugünədək (iş staji – 30 ilə yaxın) fasiləsiz şəkildə Naxçıvan Dövlət Universitetində çalışmaqdayam.
22 iyul 1994-cü il tarixdən sınaq müddətilə müəllim, 22 may 1998-ci il tarixdən müəllim, 15 dekabr 2000-ci il tarixdən “Mühasibat uçotu və maliyyə” kafedrasının baş müəllimi, 07 fevral 2006-cı il tarixdən Naxçıvan Dövlət Universitetinin dosentiyəm. (diplom DS № 02430)
2014-cü ilin 08 dekabr tarixindən 2016-cı ilin 14 iyun tarixinədək “Mühasibat uçotu və maliyyə” kafedrasına, 2016-cı ilin 14 iyun tarixindən 2017-ci ilin 08 dekabr tarixinədək isə Naxçıvan Dövlət Universitetinin “İqtisad” fakültəsinə rəhbərlik etmişəm. 08 dekabr 2017-ci il tarixdə doktorluq dissertasiyasının müdafiəsi ilə əlaqədar olaraq öz ərizəm əsasında tutduğun fakültə dekanı vəzifəsindən azad olunmuşam. Haliyədə Naxçıvan Dövlət Universitetinin “Mühasibat uçotu və maliyyə” kafedrasının dosentiyəm.
Naxçıvan Dövlət Universitetində işlədiyim dövrdə eyni zamanda “İqtisad” fakültəsinin həmkarlar komitəsinin sədri, fakültə dekanının müavini, Universitet HİK Rəyasət Heyətinin üzvü kimi vəzifələri icra etmişəm. 2014-2018-ci illərdə Naxçıvan Dövlət Universitetinin Elmi Şurasının üzvü olmuşam.
Eyni zamanda 1995-2012-ci illərdə Naxçıvan Özəl Universitetində baş müəllim, tyutor, dosent, elmi işlər üzrə prorektor və digər vəzifələrdə çalışmışam. 1997-2012-ci illərdə həmin ali məktəbin Elmi Şurasının üzvü olmuşam.
2012-ci ildə NDU-nun Elmi Şurasının qərarilə humanitar əsərlər (iqtisadiyyat) nominasiyasında “İLİN ALİMİ” fəxri adına layiq görülmüş və diplom almışam.
2016-cı ildə “Avropa Nəşr Poliqrafiya Evi” tərəfindən “ƏN YAXŞI VƏTƏNPƏRVƏR ALİM” nominasiyasında qızıl medalla təltif olunmuşam (diplom AZ-№ 8032200143)
Naxçıvan, Bakı, Gəncə, Sumqayıt, Lənkəran, Moskva, Stavropol, Novosibirsk, Nevinomıssk, Saratov, Tomsk, Volqoqrad, Ankara, Təbriz, Praqa, London və digər şəhərlərdə keçirilən çoxsaylı respublikadaxili və beynəlxalq konfrans, simpozium, sair elmi tədbirlərin iştirakçısıyam.
Çalışdığım dövrdə çoxsaylı elmi-tədqiqat işlərinin rəhbəri, fəlsəfə doktorluğu dissertasiyalarının opponenti, dissertasiya müdafiəsi yekunlaşmış dörd iddiaçının rəhbəri olmuşam. Haliyədə daha üç iddiaçının iqtisad üzrə fəlsəfə doktoru istiqaməti üzrə elmi araşdırmalarına rəhbərlik etməkdəyəm.
200-dən çox elmi əsəri, o cümlədən 35 kitabın (onlardan 12 monoqrafiya), 47-dən çox metodiki göstəriş və fənn proqramın müəllifiyəm. Dərs vəsaitlərimdən “Statistika kursu” Azərbaycan Dövlət İqtisad Universitetinin (UNEC) üç uyğun ixtisasında zəruri ədəbiyyatlar siyahısına salınmış və 26-ı xaricdə dərc olunmuşdur.
Kitablar təsərrüfat uçotu və idarəetmə sahəsində fəaliyyətin beynəlxalq və ölkədaxili təşkilindən bəhs edir, ümumilikdə ölkəmizdə, o cümlədən Naxçıvan Muxtar Respublikasında iqtisadi təhsilin səviyyəsinin yüksəldilməsinə yönəldilmişdir: