Müəllim
E- mail: temiahmedov63@ gmail.com
İmamqulu İsgəndər oğlu Əhmədov 1963-cü il avqust ayının 22-də Naxçıvan şəhərində qulluqçu ailəsində anadan olmuşdur. Naxçıvan şəhər 1№li uşaq musiqi məktəbini bitirdikdən sonra (1974-1979) Naxçıvan şəhər Üzeyir Hacıbəyov adına Orta ixtisas musiqi məktəbinə tar ixtisası üzrə qəbul olunmuşdur. 1983-cü ildə həmin məktəbi bitirdikdən sonra Üzeyir Hacıbəyov adına Azərbaycan Dövlət Konservatoriyasına daxil olur. Bir il təhsil aldıqdan sonra hərbi xidmətə çağırılır. Hərbi xidmətimi Almaniya Demokratik Respublikasında çəkdikdən sonra təhsilini davam etdirir və 1990-cı ildə Azərbaycan Dövlət Konservatoriyasını müvəffəq qiymətlərlə bitirir.Müxtəlif illərdə uşaq musiqi məktəblərində müəllim, xalq çalğı alətləri şöbəsinin müdiri, müsiqi texnikumunda müəllim, orkestr rəhbəri, Naxçıvan Dövlət Universitetində müəllim, dekan müavini, Naxçıvan Dövlət Filarmoniyasında direktor müavini, 3№li Uşaq Musiqi Məktəbində direktor vəzifələrində çalışmışdır. 2005 – 2017-ci illərdə Naxçıvan şəhər Mədəniyyət Şöbəsinin müdiri vəzifəsində fəaliyyət göstərmişdir. 2011-ci ildə Azərbaycan Respublikasının Əməkdar Mədəniyyət İşçisi fəxri adına layiq görülmüşdür. 2014-cü ildə Dövlət Qulluğunda kiçik müşavir dərəcəsi almışdır. 2021-ci ilin Oktyabr ayından NDU- nun İncəsənət fakultəsinin XÇA kafedrasının müdiridir.