İqtisad üzrə fəlsəfə doktoru., dosent
Mehriban Təyyar qızı İmanova 1972-ci ildə Culfa rayonunun Milax kəndində anadan olmuş, 1979-1989-cu illərdə Naxçıvan şəhəri H.Cavid adına 5 saylı orta məktəbdə təhsil almış və gümüş medalla bitirmişdir. 1989-1994-cü illərdə NDU-da ali təhsil almış və “Mühasibat uçotu, nəzarət və təsərrüfat fəaliyyətinin təhlili” ixtisasını fərqlənmə diplomu ilə bitirmişdir.1994-1997- illərdə NDU-nun “Mühasibat uçotu və maliyyə” kafedrasında sınaq müddətinə müəllim, 1997-2007-ci illərdə müəllim, 2007-2012-ci illərdə baş müəllim, 2013-2015-ci illərdə dosent əvəzi vəzifəsində işləyib. 2015-ci ildən həmin kafedranın dosentidir.
2008-ci ildə namizədlik dissertasiyası müdafiə etmiş və iqtisad üzrə fəlsəfə doktoru, alimlik dərəcəsi almışdır. Hazırda “Sənayenin regional inkişaf strategiyası və onun reallaşdırılması istiqamətləri” adlı doktorluq dissertasiyası üzərində işləyir.
Maliyyə Hesabatlarının Beynəlxalq Standartlarına və Milli Mühasibat Uçotu Standartlarına keçid mövzusunda təlim kurslarında iştirak etmiş və Beynəlxalq Uçot Sertifikatlarını almışdır. Həmçinin, xaricdə keçirilən altı beynəlxalq konfransda iştirak edərək Sertifikatkar əldə etmişdir.2022-ci il mart ayinda “TƏRƏQQİ” medalı almışdır.
90 elmi əsərin, o cümlədən 1 monoqrafiyanın, 1 kitabın, 2 dərs vəsaitinin və 7 fənn proqramının müəllifidir. Naxçıvan Muxtar Respublikası Ali Məclisinin təsis etdiyi ”Şərq qapısı” qəzetində bu günə qədər 30-dan artıq elmi publisistik məqaləsi dərc edilmişdir. Yeni Azərbaycan Partiyasının üzvüdür. Ailəlidir. Üç övladı var.